Kreisspoorkass Stood

De Kreisspoorkass Stood is en Spoorkass mit Seet in Stood. De Bank höört to de Spoorkassen-Finanzgrupp un hett 21 Filialen in’n Landkreis Stood (utnahmen de Samtgemeen Lüh, de Gemeen Jörk un de Gemeen Buxthu). De Vörsitter von’n Vörstand is Ralf Rotsch, de Vörsitter von’n Verwaltungssraad is Michael Roesberg. Dreger von de Anstalt des öffentlichen Rechts is de Landkreis Stood un Rechtsgrundlaag dat Neddersassische Spoorkassengesett.

Filiaal in Hornborg

De BLZ is 241 511 16 un de BIC NOLA DE21 STK. De Bilanzsumm weer an’n 31. Dezember 2012 1,448 Milliarden Euro, de Inlagen weren 851,92 Millionen Euro un de Kunnenkredite 1,047 Milliarden Euro. De Bank hett üm un bi 359 Mitarbeiders, 67.558 Kunnen un 144.600 Konten (Stand Dezember 2011).

Blangen Stood hett de Spoorkass ok noch Filialen in Balje, Freeborg, Öderquart, Wischhoben, Drochters, Aßel, Himmelpoorten, Olendörp, Düünbeudel, Mulsen, Freenbeek, Deinst, Dullern, Kutenhult, Bargst, Hornborg, Harsfeld (twee Maal: in de Grote Goornstraat un in dat Ärztezentrum in de Buxtuer Straat), Obbens un Ohlers.

Historie ännern

An’n 1. September 1843 is in Freeborg de Spoorkass för dat Land Keden, Freebörgschen Deels, grünnt worrn, för de de Landsversammlung von dat Grevengericht de Garantie övernahmen hett. In Harsfeld is an’n 1. Februar 1854 en private Spoorkass grünnt worrn, de an’n 8. Oktober 1856 in en apentlich Institut ümwannelt worrn is, över dat de Gemenen von dat Amt Harsfeld de Garantie övernahmen hebbt. An’n 1. April 1857 is in Aßel en Spoorkass för dat Amt Wischhoben grünnt worrn, för de de Amtsversammlung de Garantie övernahmen hett. Un an’n 1. Oktober 1871 hett denn in Himmelpoorten noch en Spoorkass för dat Amt Himmelpoorten apen maakt.

An’n 1. April 1885 is ut dat Amt Keden de Kreis Keden worrn un ut de Spoorkassen in Freeborg un Aßel sünd Kreisspoorkassen worrn. De Ämter Himmelpoorten un Harsfeld sünd Deel von’n Kreis Stood worrn. Dor is aver nich de Kreis Dreger ween, man de enkelten Gemenen von de olen Ämter.

An’n 1. Juli 1920 hett sik de Genossenschaftsbank in Hornborg in en Spoorkass ümwannelt un an’n 1. Januar 1932 sünd de Spoorkassen in Aßel un Freeborg dör Fusion tohoopgahn. Freeborg is de ne’e Seet worrn. Nadem sik an’n 1. Oktober 1932 ut de Kreise Stood, Jörk un Keden de ne’e Landkreis Stood billt hett, sünd de Spoorkassen in Hornborg, Himmelpoorten un Harsfeld in’n April 1934 mit de Spoorkass in Freeborg tohoopgahn. De Seet weer toeerst in Freeborg, aver al to’n 1. Juli 1934 is de Seet na Stood trocken un de Bank hett denn Kreisspoorkass Stood heten.

De Filialen in Bliersdörp, Doornbusch, Hammah un Swing sünd mit’n 28. Februar 2017 dichtmaakt worrn.

Vörstandsvörsitters ännern

Weblenken ännern

  Kreisspoorkass Stood. Mehr Biller, Videos oder Audiodateien to’t Thema gifft dat bi Wikimedia Commons.