Hammoh

(wiederwiest vun Hammah)

Hammoh (hoochdüütsch Hammah) is een Dörp un Gemeen in de Samtgemeen Olendörp-Himmelpoorten in’n Landkreis Stood. De Gemeen hett 3225 Inwahners (Stand 31. Dezember 2022).

Wapen/Flagg Koort

Wapen vun Hammoh

Hammoh
Laag vun Hammoh in Düütschland
Basisdaten
Bundsland: Neddersassen
Landkreis: Stood
Samtgemeen: Olendörp-Himmelpoorten
Flach: 29,29 km²
Inwahners: 3225 (31. Dezember 2022)
Hööchd: 10 m över de See
Postleettall: 21714
Vörwahl: 04144
Geograafsche Laag:
Koordinaten:53° 38′ N, 9° 23′ O
53° 38′ N, 9° 23′ O
Grenzen bi OSM: 444949 444949
Gemeenslötel: 03 3 59 022
Öörd in de Gemeen: 3
Börgermeester: Stefan Holst (OLH)
Websteed: www.hammah.de
Koort
Kreis
Karte
Balje (Neddersassen)Krummendiek (Neddersassen)Freiborg (Elv)ÖderquartGemeen WischhobenGemeen DrochtersGrootweurnGemeen EngelschoppHammahDüünbeudelGemeen HimmelpoortenGemeen BurwegGemeen KronenborgGemeen EsdörpOlendörpGemeen HeinbockelGemeen StoodDeinstGemeen FreenbeekGemeen KutenhultGemeen JörkGemeen BuxthuGemeen ObbensGemeen BeekdörpGemeen SounsiekGemeen OhlersGemeen BrestBargstGemeen HarsfeldNottensdörpBliersdörpHornborgDollernGothenborgLandkreis StoodNeddersassenLandkreis CuxhobenLandkreis RodenborgLandkreis HorborgHamborgSleswig-HolsteenSleswig-HolsteenGreundiekMittelskarkNeekark (Olland)GauderhandviddelSteenkark (Olland)Hullern-Twielenfleth
Laag von de Gemeen Hammoh in’n Landkreis Stood (Koort lett sik anklicken)
Raathuus
Gedenksteen för Hinnerk Gooßen, de dat Hünengraff vör’n Afbrook reddt hett
Hünengraff in Groot Stiernbarg

To den Oort höört neben den Hauptoort Hammoh de lüttjeren Öörd Middelsdörp un Groot Stiernbarg.

Geografie ännern

Dat Water ut dat Rebeed flütt in’n Westen över den Düünbödler Beek na’n Borgbeekkanaal hen af un in’n Oosten över den Oosterbeek na de Haschenfleter Wettern.

De Naveröörd sünd Groot-Steernbarg in’n Noorden, Villah un Stodermoor in’n Noordoosten, Haddörp in’n Süüdoosten, Middelsdörp in’n Süden, Himmelpoorten mit Ramels in’n Westen un Ossenpohl, Borg un Hammohermoor in’n Noordwesten.

Historie ännern

Hammoh dükert 1204 toeerst in de Oorkunnen op, as Hinnerk V. Wiepenkathen un Haddörp an dat Klooster St. Marien schenkt hett. Hammoh warrt dor as en Naveroord nöömt.

In’n Tweten Weltkrieg is an’n 29. Juli 1944 nachtens en Halifax-III-Bomber, de vörher Hamborg angrepen harr, von dat 431 Squadron bi Hammoh in’t Moor afstört. Twee von de söven Mann an Boord sünd dor bi doodbleven.[1]

Vör 1885 weer dat Dörp Deel von de Böörd Olendörp binnen dat Amt Himmelpoorten. 1885 is de Oort denn Deel von’n Kreis Stood worrn un 1932 von’n Landkreis Stood.

An’n 1. Juli 1972 sünd mit de Kommunalreform in Neddersassen de olen Gemenen Hammoh, Middelsdörp un Groot Stiernbarg Deel von de ne’e Gemeen Hammoh worrn. Dorbi is denn de Samtgemeen Himmelpoorten grünnt worrn, to de Hammoh tohöört hett. Disse Samtgemeen harr Bestand bet to’n 1. Januar 2014, as de Samtgemeen Himmelpoorten mit de Samtgemeen Olendörp to de Samtgemeen Olendörp-Himmelpoorten tohoopgahn is.

Inwahnertall ännern

Johr Inwahners
1824-00-001824[2] 60 Füürsteden
1848-00-001848[3] 298 Lüüd, 72 Hüüs
1871-12-011. Dezember 1871[4] 367 Lüüd, 84 Hüüs
1910-12-011. Dezember 1910[5] 564
1925-00-001925[6] 530
1933-00-001933[6] 553
1939-00-001939[6] 586
2005-12-3131. Dezember 2005[7] 2.789
2008-12-3131. Dezember 2008[7] 2.849

Religion ännern

Hammoh is evangeelsch-luthersch präägt un höört to dat Kaspel von de Marienkark in Himmelpoorten. Bet 1794 hett de Oort to dat Kaspel von de Martinskark in Olendörp tohöört.

För de Kathoolschen is de Hillig-Geist-Kark in Stood tostännig.

Dat Dörp hett en egen Karkhoff. De Karkhoff hett 1954 en Kapell kregen. 1973 is noch en twete ne’e Kapell boot worrn.[8]

Politik ännern

Gemeenderaat ännern

Gemeenraad
Johr \ Partei Tall CDU SPD Gröne OLH WGH
2001 13 8 2 1 2
2006 13 8 3 1 1
2011 13 7 2 1 3
2016 15 7 3 1 4
Liddmaten
  • 2011:
    CDU: Reiner Braack, Jörn Breuer, Fritz Buck, Rainer Jürgens, Werner Langen, Hermann Mügge, Wilfried Schuldt
    SPD: Hans-Hermann Richter, Marc-André Wolfkühler
    Gröne: Katjana Lorenz
    OLH: Gerhard Dodenhoff, Raimund Grosser, Rainer Holst (bet 8. April 2013, Nafolger: Stefan Holst)
  • 2016:
    CDU: Reiner Braack, Jörn Breuer, Rainer Jürgens, Heide von Limburg, Hermann Mügge, Jürgen Schlichting, Wilfried Schuldt
    SPD: Marco Hellwege, Rolf-Henner Prestien, Marc-André Wolfkühler
    OLH: Gerhard Dodenhoff, Stefan Holst, Detlef Schäfer, Angela Schwerdts
    Gröne: Katjana Lorenz

Börgermeesters ännern

  • 1964–1998: Johann Breuer (CDU)
  • –31. Oktober 2016: Rainer Jürgens (CDU)
  • 1. November 2016–: Stefan Holst (OLH)

Partnerschoppen ännern

Hammoh hett 1991 en Partnerschop mit Hamma in Döringen slaten.

Wapen ännern

Dat Wapen von de Gemeen wiest op sülvern Grund över en grönen Schildfoot mit en Findling dor op en Neddersassenhuus mit gröne Grotendöör, rood Muurwark un sülvern Fackwark.

Dat Fackwarkhuus is dat Raadhuus von de Gemeen un de Findling steiht för de Hünengräver, de op dat Rebeed von de Gemeen funnen worrn sünd.

Kultur un wat to bekieken is ännern

In dat Rebeet vun Hammoh gifft dat veele Hünengräver.

In Hammoh warrt an’n Sünnavend vör’n eersten Advent bi’t Raadhuus Wiehnachtsmarkt fiert.

Sport ännern

Football warrt in den örtlichen Vereen veel speelt. De Spood von de Fuustballmannschopen hett Hammoh in Düütschland bekannt mookt. Siet 2007 is Hammoh in de Fuustball-Bundesliga.

En Tennisvereen un en Schüttenvereen sünd ook aktiv. De Schüttenvereen is 1928 grünnt worrn. Na’n Tweten Weltkrieg hett de Vereen sik 1950 wedder nee opstellt.

In Groot Stiernbarg gifft dat enen plattdüütschen Theoterköppel.

Weertschop un Infrastruktur ännern

 
Sprüttenhuus in Hammoh

Hammoh hett en egene freewillige Füürwehr, de in’n Harvst 1897 grünnt worrn is.

 
Gebüüd von de Spoor- un Kreditbank Hammoh

In Hammoh in de Bahnhoffstraat 43 is de Hauptseet von de Spoor- un Kreditbank Hammoh. De Kreisspoorkass Stood harr in Hammoh in de Bahnhoffstraat 51 en Filiaal, de to’n 28. Februar 2017 dichtmaakt hett.

Scholen ännern

Hammoh hett mit de Grundschool Hammah en egen Grundschool. Op Haupt- un Realschool gaht de Kinner na de Porta-Coeli-School in Himmelpoorten, op Gymnasium na’n Gymnasialtwieg von de Porta-Coeli-School oder na de Vincent-Lübeck-School in Stood.

Literatur ännern

Weblenken ännern

  Hammoh. Mehr Biller, Videos oder Audiodateien to’t Thema gifft dat bi Wikimedia Commons.

Footnoten ännern

  1. http://www.dietrich-alsdorf.de/kehdinger-moor.html
  2. C. H. Jansen: Statistisches Handbuch des Königreichs Hannover. 1824, Sied 238: http://books.google.de/books?id=tG0AAAAAcAAJ&pg=PA238
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 135: http://books.google.de/books?id=eOI-AAAAcAAJ&pg=PA135
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 142: https://books.google.de/books?id=qTZDAQAAMAAJ&pg=RA2-PA142
  5. http://www.gemeindeverzeichnis.de/gem1900/gem1900.htm?hannover/stade.htm
  6. a b c http://www.verwaltungsgeschichte.de/stade.html
  7. a b http://www.himmelpforten.de/2101.php
  8. Planer macht erste Vorschläge für Friedhof, Stader Tageblatt von’n 28. März 2015