Landherrnschop Ritzbüttel

De Landherrnschop Ritzbüttel weer een von de veer Landherrnschoppen von dat Land Hamborg.

Historie

De Landherrnschop is 1864 mit dat Gesetz über die Reorganisation in der Verwaltung und Rechtspflege des Amtes Ritzebüttel nee billt worrn. De Rechtspleeg in dat Amt Ritzbüttel hett dat Amtsgericht Ritzbüttel övernahmen. De Opgaven von’n Amtmann, wat jümmer en hambörgschen Senater weer, hett denn de Amtsverwalter övernahmen. De Opsicht över den Amtsverwalter harr de Landherr. Landherr weer wieder en hambörgschen Senater, aver de Landherrn hebbt nich in Ritzbüttel leevt.

To de Landherrnschop Ritzbüttel hebbt 1874 de Gemenen Arensch, Berensch, Cuxhoben (mit Ritzbüttel), Döös, Duhnen, Groden, Godendörp, Holt, Neewark, Ox, Sahlenborg, Spangen, Stickenbüttel, Süderwisch un Westerwisch tohöört. De beiden Flecken Ritzbüttel un Cuxhoben harrn sik eerst an’n 13. Dezember 1872 to een Gemeen tohoopslaten.

An’n 1. Mai 1905 is ok Döös Deel von Cuxhoben worrn. Cuxhoben hett an’n 15. März 1907 Stadtrechten kregen. Mit de Hambörgsche Städteordnung von’n 2. Januar 1924 is de Stadt Cuxhoben ut de Landherrnschop Ritzbüttel utscheden.

De Landherrnschop is an’n 19. November 1926 denn oplööst worrn. De Öörd, de 1926 noch Deel von de Landherrnschop Ritzbüttel weren, sünd Deel von de Landherrnschop Hamborg worrn. De Landherrnschop Hamborg hett bet to dat Groot-Hamborg-Gesett von 1937 bestahn.

Landherrn

1864–1877: Gustav Heinrich Kirchenpauer
1878–1892: Charles Ami de Chapeaurouge
1893–1900: Max Predöhl
1902–1911: Werner von Melle
1911–1915: Emil Max Gotthold August Mumßen
1920: Carl Wilhelm Petersen
1924–1931: Heinrich Stubbe
1931–1933: Rudolf Roß
1933–1936: A. Klepp

Amtsverwalters

25. Juli 1864–2. Januar 1868: Samuel Samuelson
15. März 1868–18. Oktober 1891: Charles Anthony Werner
4. Januar 1892–31. Dezember 1909: Gustav Wilhelm Kaemmerer
4. Januar 1910–31. Dezember 1923: Peter Ludwig Sthamer
29. November 1924–24. April 1933: Andrew Grapengeter
24. April 1933–30. September 1933: B. Rüger (kommissarsch)
1. Oktober 1933–19. September 1935: Wilhelm Klostermann (ehrenamtlich)