Landraodsamt Stemmert

Wapen/Flagg

Koort

Basisdaten

Sitt:

1.795,76 km²

448.220

249,6 Inwahners pro km²

Geograafsche Laag:

52° 13′ N, 7° 35′ O

Grenzen bi OSM:

62442

Kennteken:

ST

Kreisslötel:

05 5 66

Gemenen in’n Kreis:

24

Landraad:

Sommers Martin (aone Partei)

Websteed:

www.kreis-steinfurt.de

NUTS-Code:

DEA37

Dat Landraodsamt Stemmert lig in’n Nuorden van Nuordrien-Westfaolen. Et häw 448.220 Inwuëners.^[1]

Geograofi

In’n Nuorden grenst et an dän Landkreis Groafschup Bentem un dat Emsland. In’n Ausen ligt de Landkreis Osenbrügge un de landraodsamtfrie Stad Ossenbrügge. In’n Süden grenst et an dat Landraodsamt Warnduorp, de landraodsamtfrie Stad Mönster un de Landraodsiämter Koosfeld un Borken.

De Wessen häöert to’t Mönsterland. Dat Tiäkenbüörgske Land belt dän Ausen. De högste Punkt is de Westerbecker Berg in Linen met 234 m ü NN. Dat Sluot Bentlaoge is met 32 m ü NN de leegste Punkte in’t Landraodsamt. De Iäms flait van Süüd nao Nuord düör’t Amt. De grötste Stad is Rene.

Kaat van’t Landraodsamt

24 Gemainden un Stiäden ligt in’t Landraodsamt Stemmert.

Stiäden

Gemainden

Geschicht

1971 häbt Politikers anfangen üöwer een een ni Indelen van de Landraodsiämter naotodenken. 1974 wüör dat Mönster/Ham-Gesät besluoten, dat de Iämter ni indeelt. Siet dän 1. Harremaonddag 1975 gelt et. De ollen Iämter Stemmert un Tiäkenbuorg gaw et nu nich mäer. Uut dat olle Amt Mönster sint nao de Stad Graiwen un de Gemainde Saorbiëk dertokuëmen. De Sit van’t Landraodsamt is in Stemmert.

Poltik

Landraodsdag

Alle fiew Jaore maakt de Büörger üör Krüüs. An’n 13. Hiärfstmaonddag 2020 was de leste Waal.^[2]

	Persent	Sitte	+/−2014
Christlich Demokratische Union Deutschlands (CDU)	39,64	26	−1
Sozialdemokratische Partei Deutschlands (SPD)	24,28	16	−4
Bündnis 90/Die Grünen (GRÜNE)	19,43	13	+6
Freie Demokratische Partei (FDP)	5,76	4	+1
Die Linke (DIE LINKE)	3,12	2	0
Unabhängige Wählergemeinschaft (UWG)	4,76	3	0
Alternative für Deutschland (AfD)	3,01	2	+2

66 Lüde sittet in’n Landraodsdag. Vüörsitter is de Landraod Sommers Martin.^[3] Bes 2020 was he Let van de CDU un is nu aone Partei.^[4]

Vökäer

De A1 in’t Tiäkenbüörgske Land

Straotenvökäer

Drai Audobanen laupt düör’t Amt. In’n butersten Wessen lig de A31 met twe Up-/Afgänge bi Gronau. In’n Nuorden lig de A30 van dän Ansluot Rene-Nuord bes to dat Krüüs Luote/Ossenbrügge. In’n Ossen löp de A1 bi Wäsen un Büden üöwer dat Krüüs Luote/Ossenbrügge bes nao Graiwen.

Isenbaan

Et giw veer Isenbaanlinnigen in’t Amt: de Linnig Amsterdam-Hannüöwer van Rene bes Luote, de Linnig Mönster-Bremen met Baanhüöwe in Kattenviën un Lengerke, de Linnig Mönster-Emden van Graiwen nao Rene un de Linnig Mönster-Äänske van Ollenbiärge bes Ochtrup.

Luchtvökäer

Luchthawen Mönster/Ossenbrügge in Graiwen

Enen grauten Luchthawen lig up dat Amtsgebied. De Luchthawen Mönster/Ossenbrügge lig in’n Nuordwessen van Graiwen. Dat Landraodsamt is enen van de Selschuppers

Waterstraoten

In Nuord-Süüd-Richt löp de Düörp’m-Iäms-Kanaol langs de Iäms. In Hüörsel twiëlt de Middellandkanaol van em af. To düsse Stiär wät auk „Natten Twiël“ sägt.

Naowise

↑ Einwohnerinnen und Einwohner. In: kreis-steinfurt.de. Afropen an’n 23. März 2021.
↑ Kreistagswahl - Kommunalwahlen 2020 im Kreis Steinfurt - Gesamtergebnis up wahlen.citeq.de, afropt an’n 6. Kristmaonddag 2021 (haugdüütsk)
↑ Landrat up: kreis-steinfurt.de, afropt an’n 6. Kristmaonddag 2021 (haugdüütsk)
↑ Sommer kandidiert doch als Landrat up: radiorst.de. 15. Maimaonddag 2020, afropt an’n 6. Kristmaonddag 2021 (haugdüütsk)

Weblenken

Landraodsamt Stemmert. Mehr Biller, Videos oder Audiodateien to’t Thema gifft dat bi Wikimedia Commons.

Riäkersiet van dat Landraodsamt Stemmert (haugdüütsk)

Kreisen un kreisfrie’e Städer in Noordrhien-Westfalen

[1] Einwohnerinnen und Einwohner. In: kreis-steinfurt.de. Afropen an’n 23. März 2021.

[2] Kreistagswahl - Kommunalwahlen 2020 im Kreis Steinfurt - Gesamtergebnis up wahlen.citeq.de, afropt an’n 6. Kristmaonddag 2021 (haugdüütsk)

[3] Landrat up: kreis-steinfurt.de, afropt an’n 6. Kristmaonddag 2021 (haugdüütsk)

[4] Sommer kandidiert doch als Landrat up: radiorst.de. 15. Maimaonddag 2020, afropt an’n 6. Kristmaonddag 2021 (haugdüütsk)

[1]

[2]

[3]

[4]