Nienkiärken

Wapen/Flagg

Koort

Basisdaten

Bundesland: Nuordrien-Westfaolen

Regerungsbezirk: Mönster

Kreis: Stemmert

Flach:

48,28 km²

Inwahners:

13.873 (2020-09-31^[1])

Inwahnerdicht:

287,3 Inwahners pro km²

58 m över de See

48485

05973

Koordinaten:52° 14′ N, 7° 22′ O52° 14′ N, 7° 22′ O

Grenzen bi OSM:

155792

Gemeenslötel:

05 5 66 060

UN/LOCODE:

DE NKT

Öörd in de Gemeen:

5

Börgermeester:

Wilfried Brüning

Websteed:

www.neuenkirchen.de

Nienkiärken (up Hauchdüütsch Neuenkirchen) is en lütken Oort niäwen de Stad Rene in’d Mönsterland in Nuordrien-Westfaolen. Vandage liäwen bolle 14.000 Mensken in düsse Gemainde.

Geografie

Nienkiärken lig in dat Landraodsamt Stemmert an de Grense to Neddersassen. De högste Punkt lig 84 m üöwer NN un is Deel van de Thieberg. Dat is en Uutlaiper van de Teuto in dän Nuorden van de Gemainde. Westlik van de Oortskärn lig de 50 ha graute Offlumer See.

Naobergemainden

Nienkiärken grenst in'n Nuorden an Saoltbiärgen (Landkreis Iämsland), in'n Ausen an Rene, in'n Süüdausen an Detten, in'n Süden an Stemmert un in'n Wessen an Wiätringen (alle Kreis Stemmert).

Gemaindedele

Geschicht

De St.Anna-Kiärke

Eengslik haitede de Oort Snedwinkel of Snedwinkela. Dat iärste Maol stait de Naome Nienkiärken in ene Urkunne van 1247. De Bischop van Mönster laot de Buern ’ne niäwe Kiärke bauen. Derhiär häw Nienkiärken auk sienen Naome. In dän achtigjaorigen Krieg plünnerden spaanske Suldaoten dat Kiärspel twemaol (1587 un Mäten 1590). De iärste mechaanske Wiäweri wüör 1858 bedriewen. Drai Wiäwerien kammen bes 1876 derto. Daoruphän wüör Nienkiärken een anbestands Oort för de Tüüginnustri. In't Jaor 1899 wüör de St.Anna-Kiärke baut, de vandage dat Waorteken van Nienkiärken is. De Stroom kam 1908 antog.

Poltik

Stadraod

Büörgermester is Wilfried Brüning.^[2] De Stadraod häw 30 Sitte

CDU: 13 Sitte
SPD: 7 Sitte
De Grönen: 7 Sitte
FDP: 3 Sit

Woppen

De Farwen raud un giäl kuëmt van de Häerschupp van de Graofschup Stemmert. De Äören staot för de Bueri un dat Wiäwerschipken för de Tüüginnustri. Et gelt siet dat Jaor 1939.

Partnerschuppen

Heyerode, Döringen (siet 1990)

Vökäer

Nienkiärken lig an de Bunnestraot B 70. In Nienkiärken gaw’t twe Baanhüöwe. De Isenwiäge sint vandage Fietsstraoten.

Scholen

Grondscholen

Josefschule
Ludgerischule
Thieschule

Sekundarschole

Emmy-Noether-Schule

Hauge School

Arnold-Janssen-Gymnasium

Spuort

Nienkiärken häw 2 graute Sportvöaine: de SuS Neuenkirchen un de TuS St. Arnold De Häernfootbalmanschup van de SuS spielt in de Oberliga Westfaolen, de fiewhögste Spielklas. De Vöain böd sumsemore twiälw Sportaorten an (t.B. Volleybal un Dansen).

Änneres

An'n 3. Austmaonddag 2010 schreew de Münstersche Zeitung üöwer een vöstuwert Blomenpot vüör dän Antoniusstift. Düsse Blomenpot wüör in de tokem twe Dage een Trending Topic bi Twitter.

Weblinks

www.neuenkirchen.de (haugdüütsk)

Naowise

↑ Bevölkerungsstand nach Geschlecht. In: landesdatenbank.nrw.de. Afropen an’n 14. Januar 2021.
↑ Neuenkirchen in Zahlen. In: neuenkirchen.de. Afropen an’n 14. Januar 2021.

Disse Artikel is op Westfäälsch schreven. Mehr Artikels op Westfäälsch.

Städer un Gemenen in den Kreis Stemmert

[1] Bevölkerungsstand nach Geschlecht. In: landesdatenbank.nrw.de. Afropen an’n 14. Januar 2021.

[2] Neuenkirchen in Zahlen. In: neuenkirchen.de. Afropen an’n 14. Januar 2021.

[1]

[2]