Detten (Kreis Stemmert)

Wapen/Flagg

Koort

Basisdaten

Bundesland: Noordrhien-Westfalen

Regerungsbezirk: Mönster

Kreis: Stemmert

Flach:

72,06 km²

Inwahners:

35.927 (2021-12-3131. Dezember 2021)

Inwahnerdicht:

498,6 Inwahners pro km²

45 m över de See

48282

02572

Koordinaten:52° 10′ N, 7° 32′ O52° 10′ N, 7° 32′ O

Grenzen bi OSM:

155714

Gemeenslötel:

05 5 66 008

UN/LOCODE:

DE EDN

Öörd in de Gemeen:

8

Börgermeester:

Oliver Kellner

Websteed:

www.emsdetten.de

Detten (up Haugdüütsk Emsdetten) is ene Stad in Westfaolen an de Iäms, 24 km nüördlik van Mönster. Nao Rene en Graiwen is Detten de Stad met de diärdemiärsten Inwuëners in’t Landraodsamt Stemmert.

Geografie

De Kiärk Sünt Pankrats

Laoge

Detten lig in Nuordrien-Westfaolen in’t Landraodsamt Stemmert. De Stad in dat Nuorddüütske Leegland lig westlik van de Iäms, blaus de Staddeel Siëningen lig austlik van de Iäms.

Naobergemainden

De Naobergemainden sint Rene, Hüörsel, Saorbiek, Graiwen, Nordwol, Stemmert un Nienkiärken.

Stadtdele

Aolinnel
Austum
Hembiärgen
Hollingen

Isendorf
Siëningen
Veltrup
Westum

Geschicht

1200 v.Chr. wuënden de iärsten Mensken in düsse Stiär. In't Jaor 1178 is de Naome van düsse Gemainde dat iärste Maol in ene Urkunne äs Thetten upschriëwen wuorn. Düör de swatte Daud is 1580 binao dat heel Duorp uutstuowen. Guët un wal 100 Jaore läter, in 1688, vöstuwerde en graut Füer en Deel van de Gemainde. Van dat 17. bes to dat 19. Jaorhunnert vödainden viele Bewuëner üören Liäwensunnerholt äs Wannenmaker. Wannen sint flacke Küörwe, de bruukt wüörn üm Kaorn nao het Düörsken van het Kaf to scheden. De Bau van de Isenbaanlinning Mönster-Emden in 1856 lait de Gemainde gau wassen. Daornao en bes in de iärste Halwschaid van dat 20. Jaorhunnert was Detten van Belang för de Jütinnustrie. Van 1938 af an draw Detten sik Stad näömen. An'n 1. Haimaonddag 1969 wüör Hembiärgen en Deel van Detten. An'n 1. Jannuar 1975 mosse Saorbiek 3,5 km² an Detten aftriäten. An'n 20.November 2006 is en daomaolige Schöler van de Geschwister-Scholl-Schule düördrait. He seerte 6 Mensken duor Schüëte. Achternao schot he sik daud.

Poltik

Stadraod

De Stadraod häw van 2020-2025 40 Sitte. Büörgermester Oliver Kellner van de Grönen is de Vüörsitter.^[1]

Sitte in dän Stadraod:

De Grönen: 12 Sitte
CDU: 11 Sitte
SPD: 8 Sitte
UWE: 5 Sitte
De Linke: 2 Sitte
Emsdettener Liste: 1 Sit
FDP: 1 Sit

Woppen

Dat gröön Woppen is düör en sülwern Wellenbalken van buoben vüörn nao unnen ächten deelt. He stait för de Laoge an de Iäms. Buoben is en sülwern Wannenmakerisen to sain en unnen en sülwern Wiäwerschipken. Dat Wiäwerschipken stait för de Tüüginnustrie uut dat völieden Jaorhunnert.

Partnersteden

Nedderlannen (Europa) Hengelo, Nedderlanne (siet 1991)
Polen Chojnice, Polen (siet 1996)

Spuort

De Handballmanschup van dän TV Emsdetten spiëlt siet de Spiëltiet 1985/86 in de 2.Bundesliga. 1989/90 sint se in de Rägjonalliga West afstegen en een Jaor later aal wier upstegen. 2013/14 spiëlde de Vöain för een Jaor in de 1. Bundesliga.

Kultuur

Dat Wannenmakermuseum

De Vöain „DettenRockt e. V.” stelt siet 2005 jeed Jaor dat DettenRockt-Festival up de Bene.

In't Wannenmakermuseum kan enen sik siet 1985 üöwer de Wannenmakeri klook maken.

Weblinks

Riäkersiet van de Stad Detten (Haugdüütsk)

Naowise

↑ Der Rat der Stadt Emsdetten. In: emsdetten.de. Afropen an’n 12. Januar 2021. (Haugdüütsk)

Städer un Gemenen in den Kreis Stemmert

[1] Der Rat der Stadt Emsdetten. In: emsdetten.de. Afropen an’n 12. Januar 2021. (Haugdüütsk)

[1]