Landwehrkanaal (Landkreis Cuxhoben)

Landwehrkanaal
Laag	Landkreis Cuxhoben
Stroomsystem	Elv
Afströömrebeed	45,30 km²
Born	bi Köstersweg
Münn	in Cuxhoben in de Elv
Waterkenntall	DE: 5998
linke Blangenströöm	Delftstroom, Döser Wettern
rechte Blangenströöm	Lehstroom

De Landwehrkanaal oder ok Olenwohler Wettern is en Waterloop, de von links in de Elv münnt.

De Kanaal fangt twüschen Wanhöden in’n Süden un Köstersweg in’n Noorden an un drippt sik dor mit’n Utgangspunkt von’n Olenbroker Kanaal. De Landwehrkanaal geiht von dor na Noorden, an Köstersweg un Lüderskoop vörbi. Op dat linke Över doot denn de Godendörper See un Godendörp liggen. De Landwehrkanaal löppt twüschen Franzenborg un dat Westerenn von de Worth langs un an Olenwohl vörbi. Bi de Krüzung von de Bundsstraat 73 mit de Landsstraat 135 geiht de Straat mit en Brügg över den Kanaal weg. Bundsstraat un Kanaal doot nu parallel lopen. De Kanaal flütt denn na Cuxhoben rin un geiht noch wedder ünner de B 73 dör, flütt aver wieder parallel to de Straat. Hier münnt von rechts de Lehstroom (in de Neegd von dat Krankenhuus Cuxhoben, dat an’t Över steiht). De Landwehrkanaal is hier ok mit’n Slottgraven von Slott Ritzbüttel verbunnen. En Stück wieder münnt denn von links de Delftstroom. De Landwehrkanaal münnt in dat Zentrum von Cuxhoben toeerst in’n Haven von Cuxhoben un denn an de Oliev in de Elv. Kort vörher münnt noch de Döser Wettern von links in’n Landwehrkanaal.

An’n Kämmererplatz an’n Haven von Cuxhoben is de Landwehrkanaal 2013/2014 överboot worrn mit de Noordseegalerie.