Wapen/Flagg Koort

Wapen vun Wanhöden

Wanhöden
Laag vun Wanhöden in Düütschland
Basisdaten
Bundsland: Neddersassen
Landkreis: Cuxhoben
Gemeen: Noordholt
Flach: 8,83 km²
Inwahners:
Postleettall: 27637
Vörwahl: 04741
Geograafsche Laag:
Koordinaten:53° 45′ N, 8° 42′ O
53° 45′ N, 8° 42′ O

Wanhöden is en Oort in de Gemeen Noordholt in’n Landkreis Cuxhoben, Neddersassen.

GeografieÄnnern

Wanhöden liggt an’n Rand von Geest (Hoge Lieth) un Moor (Wanhödener Moor). De höögste Punkt is de Wanhödener Barg mit 55 m över NN. De Emmelk hett ehren Born bi Wanhöden un flütt na Oosten, na de Medem hen. In’n Noordwesten liggt de Flegerplatz Noordholt.

De Naveröörd sünd Köstersweg in’n Noorden, Süderheid un Füürsteed in’n Noordoosten, Krümpel in’n Süden, Millm in’n Süüdwesten un Wusterheid in’n Noordwesten.

HistorieÄnnern

De öllste Nawies för Minschen in dat Rebeed von Wanhöden sünd de Hogensteen in’n Hogensteenforst, de in’n Süden liggt.

In de Oorkunnen kummt de Oort toeert 1509 as Wahoyen in dat Göderregister von dat Klooster Niewohl vör.

In’n Eersten Weltkrieg sünd 27 Soldaten ut Wanhöden fullen oder vermisst, un in’n Tweten 16[1].

Wanhöden is an’n 1. Januar 1970 mit de Gemeen Noordholt tohoopleggt worrn.

InwahnertallÄnnern

Johr Inwahners
1824-00-001824[2] 8 Füürsteden
1848-00-001848[3] 82 Lüüd, 16 Hüüs
1910-12-011. Dezember 1910[4] 118
1925-00-001925[5] 138
1933-00-001933[5] 168
1939-00-001939[5] 197

ReligionÄnnern

Wanhöden is evangeelsch-luthersch präägt un hett fröher to dat Kaspel von de Krüüzkark in Olenwoold höört. 1973 is Wanhöden in dat Kaspel von de Kark to’n goden Heer in Noordholt wesselt.

För de Kathoolschen is de Twölv-Apostels-Kark in Olenwoold tostännig, de siet 2008 to de Karkengemeen St. Marien in Cuxhoben tohöört.

KulturÄnnern

In Wanhöden gifft dat en Denkmaal för de Fullenen ut de twee Weltkrieg’.

VerenenÄnnern

De Freewillige Füürwehr is 1935 grünnt worrn un de Schüttenvereen Wanhöden un Ümgegend 1929.

InfrastrukturÄnnern

VerkehrÄnnern

Wanhöden liggt an de Kreisstraat 14, de in’n Noordwesten na Godendörp hen löppt un in’n Westen na Knill un de Landsstraat 135 ran. So bi annerthalv Kilometer von Wanhöden na Westen to liggt an de K 14 de Opfohrt 3 Noordholt op de Autobahn 27 (Afsnidd CuxhobenBremerhoben). Na Süüdoosten löppt de Wanhödener Weg na de L 118 ran, de na Wannen geiht.

De nächste Bahnhoff is de Bahnhoff Noordholt an de Bahnlien Bremen–Cuxhoben.

LiteraturÄnnern

  • Rolf Schiffler: Padingbüttel und Wanhöden: ein siedlungs- und wirtschaftsgeographischer Vergleich zweier Dörfer im Landkreis Wesermünde. Ollnborg 1964

WeblenkenÄnnern

  Wanhöden. Mehr Biller, Videos oder Audiodateien to’t Thema gifft dat bi Wikimedia Commons.

FootnotenÄnnern

  1. http://www.denkmalprojekt.org/2011/wanhoeden_nordholz_wk1u2_ns.html
  2. C. H. Jansen: Statistisches Handbuch des Königreichs Hannover. 1824, Sied 636: http://books.google.de/books?id=tG0AAAAAcAAJ&pg=PA636
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 131: http://books.google.de/books?id=eOI-AAAAcAAJ&pg=PA131
  4. http://www.gemeindeverzeichnis.de/gem1900/gem1900.htm?hannover/lehe.htm
  5. a b c http://www.verwaltungsgeschichte.de/wesermuende.html