Olenbroker Kanaal

De Olenbroker Kanaal is en Waterloop in’n Landkreis Cuxhoben, de von links in de Elv münnt.

Olenbroker Kanaal
Laag	Landkreis Cuxhoben
Stroomsystem	Elv
Afströömrebeed	69,23 km²
Born	bi Wanhöden
Münn	bi Olenbrook in de Elv
Water je Sekunn	0,8 m³/s
Waterkenntall	DE: 5996
linke Blangenströöm	Lüderskoper Stroom
rechte Blangenströöm	Wanhödener Beek, Assbütteler Randkanaal, Oostermoorstroom, Seehusenstroom, Botterbargsgraven, Braakstroom, Westerhoffstroom
Luftbild von de Münn von’n Kanaal 2011

De Kanaal fangt twüschen Wanhöden in’n Süden un Köstersweg in’n Noorden an un drippt sik dor mit’n Utgangspunkt von’n Landwehrkanaal. De Olenbroker Kanaal flütt von dor en lütt Enn na Süden, nimmt von rechts den Wanhödener Beek op, de von’n Flegerplatz Noordholt kummt, un dreiht denn na Oosten. De Kanaal geiht ünner de Autobahn 27 ünnerdör. De Kanaal nimmt von rechts den Grenzgraven Wanhöden/Wannen op un dreiht bi Füürsteed na Noordoosten. Nu nimmt de Kanaal von rechts den Assbütteler Randkanaal un bi Seehusen den Oostermoorstroom op. Hier liggt ok dat Süderenn von de Worth. Von rechts doot de Seehusenstroom un de Botterbargsgraven in’n Kanaal münnen un von links de Westermoorstroom/Lüderskoper Stroom.

De Olenbroker Kanaal flütt denn wieder dör dat Zentrum von de Worth un dör Olenbrook. To Anfang von Olenbrook geiht de Bundsstraat 73 över den Kanaal weg. In Olenbrook münnt von rechts ok de Braakstroom in’n Kanaal. Kort vör de Münn in de Elv (Elvkilometer 719,8) geiht noch de Nedderelvbahn över den Kanaal weg. Bi dat Gleis münnt noch de Westerhoffstroom in’n Kanaal. De Münn von’n Olenbroker Kanaal is dör en Slüüs sekert.

Sien hüdigen Loop hett de Kanaal in de Tied üm1850/1870 kregen. Vörher weer dat noch en natürlichen Waterloop un hett ok den Naam Wehdem oder Wehdemstroom hatt.

Weblenken

Olenbroker Kanaal. Mehr Biller, Videos oder Audiodateien to’t Thema gifft dat bi Wikimedia Commons.