Langel (Landkreis Cuxhoben)

Wapen/Flagg	Koort
Basisdaten
Bundsland: Neddersassen Landkreis: Cuxhoben Gemeen: Geestland
Inwahners:
Postleettall:	27624
Vörwahl:	04708
Geograafsche Laag:	53° 34′ N, 8° 55′ O

Langel (hoochdüütsch Langel) is en Hoff in de Gemeen Geestland in’n Landkreis Cuxhoben, Neddersassen. Polietsch höört de Oort al siet öllers bi Hainmöhlen bi.

Geografie

An’n Süüdrand von Langel flütt de Scheebeek langs. In’n Süüdoosten liggt dat Naturschuulrebeed Mietenmoor un in’n Süden dat Windbrackenholt.

De Naveröörd sünd Meckelst in’n Noorden, Grotenhain in’n Oosten, Lüttenhain, Nee Eversdörp un Op de Hööv in’n Süüdoosten, Drüddgeest in’n Süden, Haxhoorn un Köhlen in’n Süüdwesten, Ringst in’n Westen un Hainmöhlen un Wisswohl in’n Noordwesten.

Historie

In de Franzosentied von 1810 bet 1814 hett de Oort to de Mairie Ringst in’n Kanton Beverst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1859 to dat Amt Beers tohöört un denn von 1859 net 1885 to dat Amt Leh. Na 1885 weer dat in’n Kreis Leh. 1932 is dat Deel von’n Kreis Wersermünn worrn un 1977 von’n Landkreis Cuxhoben.

De Oort hett al siet öllers to Hainmöhlen tohöört. Siet 1. April 1971 weer Hainmöhlen Liddmaat von de eerste Samtgemeen Beers. An’n 1. März 1974 is mit de Gemeenreform in Neddersassen de Gemeen Hainmöhlen Deel von de Gemeen Ringst worrn un hett denn to de ne’e Samtgemeen Beers tohöört. Gemeen Ringst un Samtgemeen Beers sünd to’n 1. Januar 2015 oplööst worrn. Dat ganze Rebeed höört nu to de Gemeen Geestland.

Vondaag bedrifft in Langel de Lohmann Tierzucht en groten Bedriev för de Optucht von Fedderveh.

Inwahnertall

Johr	Inwahners
1793-00-001793	2 Füürsteden
1812-00-001812	7
1824-00-001824	2 Füürsteden
1871-12-011. Dezember 1871	9 Lüüd, 1 Huus

Religion

Langel is evangeelsch-luthersch un evangeelsch-reformeert präägt un höört to dat Kaspel von de Simultankark St. Fabian in Ringst.

Weertschop un Infrastruktur

As freewillige Füürwehr is de Füürwehr Ringst för Langel mit tostännig.

Verkehr

Langel liggt an en lüttje Blangenstraat to de Landsstraat 128, de in’n Noordwesten na Beers geiht un in’n Süden na Köhlen, Geestenseth un Beverst. Ans gifft dat blots lüttjere Weeg rut ut’n Oort.

De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 5 Debst liggt so 24 Kilometer in’n Noordwesten von Langel.

De nächste Bahnhoff is so bi teihn Kilometer wied weg in’n Süüdwesten de Bahnhoff Geestenseth an de Bahnlien Bremerhoben–Buxthu.