Hauptmenü öffnen

GeografieÄnnern

De Geest flütt in’n Süden von’n Oort langs. Dat Dörp liggt op de Geest un hett mit’n Hinzel in’n Süüdoosten en groot Holt.

De Naveröörd sünd Lüttenhain un Grotenhain in’n Noorden, Nee Eversdörp un Eversdörp in’n Oosten, Hipst in’n Süüdoosten, Thebü in’n Süden, Frellsdorp, Frellsdorpermöhlen un Geestenseth in’n Süüdwesten un Köhlen mit Drüddgeest in’n Noordwesten.

HistorieÄnnern

De Gemeen is üm 1850 rüm ut de enkelten Hööv Heinschenwall, Freedag, Sünnerwoold, Bokelah, Drachel un Hinzel billt worrn. Se is fröher Eenstellige Hööv nöömt worrn, hett op Hoogdüütsch aver later den Naam Heinschenwalde kregen, wat een enkelten von de eenstelligen Hööv ween is, ut de de Gemeen billt worrn is. De Hööv Freedag un Sünnerwoold sünd aver 1922 an de Gemeen Hipst wesselt.[1]

1933 is bi dat Dörp von de Marien en Sperrtüügamt anleggt worrn, dat 1936 denn kumplett trech weer. Na 1945 sünd de Anlagen denn aver nich wedder bruukt worrn. De Anlagen sünd deelwies sprengt worrn, deelwies sünd dor annere Saken in ünnerbröcht worrn.

In dat 20. Johrhunnert sünd en Reeg Hüüs an de Poststraat langs nee boot worrn, de nu en lütt Stratendörp billt. De olen Hööv doot all afsieds von de Poststraat liggen.

VerwaltungsgeschichtÄnnern

Vör 1885 leeg de Gemeen in de Vaagdie Bremervöör von dat Amt Bremervöör un is denn Deel von’n Kreis Bremervöör ween. 1932 is disse Kreis mit’n Kreis Zeven to’n ne’en un grötteren Kreis Bremervöör tohoopgahn. 1977 is dat denn Deel von’n Landkreis Rodenborg worrn.

An’n 1. März 1974 is de Oort bi de Gemeenreform in Neddersassen mit Hipst to de ne’e Gemeen Hipst tohoopleggt worrn.

InwahnertallÄnnern

Johr Inwahners
1871-12-011. Dezember 1871[2] 73 Lüüd. 9 Hüüs
1885-12-011. Dezember 1885[3] 79 Lüüd. 9 Hüüs
1905-12-011. Dezember 1905[4] 71 Lüüd. 10 Hüüs
1910-12-011. Dezember 1910[5] 191
1933-00-001933[6] 264
1939-00-001939[6] 276

ReligionÄnnern

Dat Dörp is evangeelsch-luthersch präägt un höört siet 1961 to dat Kaspel von de Bethlehem-Kark in Hipst. Bevör disse Kark nee boot worrn is, hett de Oort to dat Kaspel Örel tohöört.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

OortsvörsteihersÄnnern

  • 1876–1890: Steffen Hinrich Rademacher
  • 1890–1896: Christopher Lührs
  • 1896–1908: Christopher Rademacher
  • 1908–1916: Diedrich Hinck

KulturÄnnern

VerenenÄnnern

De Schüttenvereen von’n Oort is de Schützenvereen Drachel un Ümgegend, de 1920 grünnt worrn is. De Oort hett ok en egen Freewillige Füürwehr.

InfrastrukturÄnnern

VerkehrÄnnern

De Oort liggt an de Kreisstraat 116, de in’n Noordwesten na Köhlen an de Landsstraat 128 (Neddersassen geiht. In’n Süüdoosten löppt de K 116 na Hipst to un denn bi Örel an de Bundsstraat 74/71 ran. In’n Noordoosten geiht de K 124 na Nee Eversdörp un an de L 119 ran.

De Oort hett en Bahnhoff an de Bahnlien Bremerhoben–Buxthu, de bi Hipst liggt (Bahnhoff Op de Hööv). Von dissen Bahnhoff hett dat fröher ok en Smallspoorbahn na dat Sperrtüügamt geven, de later denn ümleggt worrn is un na dat Lange Moor föhrt hett, in dat Törf afboot worrn is. Dat Törfwark hett 1997 ophöört un do hebbt se denn ok de Smallspoorbahn afboot.

FootnotenÄnnern

  1. Heinrich Krankenberg: Hipstedt: Geschichte eines Dorfes zwischen Geest und Moor. 2008, Sied 149
  2. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 144
  3. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 185
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 22
  5. Inwahnertallen op gemeindeverzeichnis.de
  6. a b Inwahnertallen op verwaltungsgeschichte.de