Livingston (Izabal)

Livingston is en lüttje Havenstadt in dat Departamento Izabal, Guatemala. Dat is de Hööftoort von dat Municipio Livingston un hett üm un bi 16.000 Inwahners.

Livingston
Anlegger in’n Haben

De Oort liggt an de Münn von’n Río Dulce in de Bucht von Amatique (Deel von’n Golf von Honduras un de Karibische See).

De Río Dulce is as Natschonaalpark Río Dulce schuult.

HistorieÄnnern

De Inwahners von de Stadt Livingston sünd vör allen Garifuna.

Dat Rebeed is to Anfang dat 19. Johrhunnert besiedelt worrn. 1831 is offiziell en Gemeen inricht worrn, de denn ehren Naam na Edward Livingston kregen hett. Livingston weer in dat 19. Johrhunnert de wichtigste Atlantikhaven von Guatemala un is ok Hööftoort von dat Departamento Izabal ween. Nadem 1895 Puerto Barrios grünnt worrn is, dat ok an dat Stratennett anbunnen weer, hett Livingston sien Bedüden gau an Puerto Barrios verloren. 1920 hett Livingston ok den Status as Hööftoort von dat Departamento Izabal an Puerto Barrios verloren.

Weertschop un InfrastrukturÄnnern

De Oort is nich an dat Stratennett von Guatemala anslaten. De eenzige Straat rut ut Livingston föhrt en poor Kilometer in dat Achterland un is dor denn toenn. Dat gifft ok keen Flegerhaven. De Kuntakt mit de Butenwelt löppt per Boot. Vör allen mit Puerto Barrios (20 km wied weg in’n Oosten), to en lüttjeren Deel aver ok mit Punta Gorda in Belize un mit de Öörd an’n Río Dulce un an’n Izabal-See.

WeblenkenÄnnern

  Livingston. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:15° 50′ N, 88° 45′ W