Bucht vun Amatique

De Bucht vun Amatique is en Bucht von’n Golf von Honduras in de Karibische See. De Bucht is üm un bi 880 km² groot un nich deper as 20 m.

Satellitenbild vun de Bucht

Geografie

De Bucht liggt in de Länner Belize (Distrikt Toledo) un Guatemala (Departamento Izabal). In’n Süüdoosten deelt de Halvinsel Punta de Manabique de Bucht von’n Golf von Honduras af. De grötteren Öörd an de Bucht sünd von Oost na West Puerto Barrios, Santo Tomás de Castilla, Livingston un Punta Gorda.

An Strööm doot de Río Dulce, Río Sarstún, Temash River un Moho River in de Bucht fleten. De Río Dulce tekent sik besünners dör den See El Golfete ut, de op 0 m över de See liggt.

Historie

De Naam von de Bucht geiht trügg op den Oort Amatique, wat en spaansche Vörgänger-Siedlung von Santo Tomás de Castilla weer.

Weblenken

Bucht vun Amatique. Mehr Biller, Videos oder Audiodateien to’t Thema gifft dat bi Wikimedia Commons.