Mairie Flegenbarg

Mairie in de Franzosentied to Anfang dat 19. Johrhunnert

De Mairie Flegenbarg weer in de Franzosentied (1810 bet 1813) een von de dree Mairien, in de de Kanton Winsen indeelt weer. De Seet weer in Flegenbarg. Se harr 1523 Inwahners.[1]

Historie ännern

De Ümgegend von Flegenbarg hett vör de Franzosentied to de Vaagdie Neeland un de Amtsvaagdie Masch von dat Amt Winsen in dat Förstendom Lümborg höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen weer de Mairie Flegenbarg een von de teihn Mairien in’n Kanton Winsen von’n Distrikt Horborg, Departement von de Nedderelv.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Flegenbarg weer nu een von de dree Mairien in’n Kanton Winsen, Distrikt Lümborg, Departement von de Elvmünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to veer Mairien höört harrn: de Mairien Flegenbarg, Rosenweid un Hoopt ut’n Kanton Winsen un de Mairie Lassrönn ut’n Kanton Addelborg.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.

Öörd ännern

Dor hebbt düsse Öörd tohöört:

Vondaag sünd düsse Öörd Deel von de Stadt Winsen un de Gemeen Stell.

Footnoten ännern

  1. a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 61
  2. a b Bulletin des lois du Royaume de Westphalie. Königliche Bookdruckeree, Kassel 1810, Sied 39