Mairie Jörk
De Mairie Jörk weer in de Franzosentied (1810 bet 1813) een von de veer Mairien, in de de Kanton Jörk indeelt weer. De Seet weer in Jörk. Se harr 2748 Inwahners.[1]
Historie
ännernDe Ümgegend von Jörk hett vör de Franzosentied to dat Grevengericht Oolland in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.
Binnen Westfalen weer de Mairie Jörk een von de teihn Mairien in’n Kanton Jörk von’n Distrikt Stood, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Jörk weer nu een von de veer Mairien in’n Kanton Jörk, Distrikt Stood, Departement von de Elvmünnen. De Mairie weer nu düüdlich grötter, dor sünd de Öörd in tohoopfaat worrn, de vörher in Westfalen to de twee Mairien Jörk un Bossel (all beid in’n Kanton Jörk) höört harrn.
1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.
Öörd
ännernDor hebbt düsse Öörd tohöört:
Vondaag sünd düsse Öörd Deel von de Gemeen Jörk.
Footnoten
ännern- ↑ a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 64
- ↑ a b Bulletin des lois du Royaume de Westphalie. Königliche Bookdruckeree, Kassel 1810, Sied 9