Mairie Oterndörp
De Mairie Oterndörp weer in de Franzosentied (1810 bet 1813) een von de dree Mairien, in de de Kanton Oterndörp indeelt weer. De Seet weer in Oterndörp. Se harr 4123 Inwahners.[1]
Historie ännern
De Ümgegend von Oterndörp hett vör de Franzosentied to Land Hadeln höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.
Binnen Westfalen weer de Mairie Oterndörp een von de söss Mairien in’n Kanton Oterndörp von’n Distrikt Stood, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Oterndörp weer nu een von de dree Mairien in’n Kanton Oterndörp, Distrikt Stood, Departement von de Elvmünnen. De Mairie weer nu düüdlich grötter, dor sünd de Öörd in tohoopfaat worrn, de vörher in Westfalen to de dree Mairien Oterndörp, Oosterenn-Oterndörp un Westerenn-Oterndörp (all dree in’n Kanton Oterndörp) höört harrn.
1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.
Öörd ännern
Dor hebbt düsse Öörd tohöört:
- Kaiserriek Frankriek:[1]
- Oterndörp (1744 Inwahners)
- Oosterenn-Oterndörp, Wellingsbüttel (1363 Inwahners), Westerenn-Oterndörp (1016 Inwahners)
Vondaag sünd düsse Öörd Deel von de Samtgemeen Land Hadeln.
Footnoten ännern
- ↑ a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 66
- ↑ a b Bulletin des lois du Royaume de Westphalie. Königliche Bookdruckeree, Kassel 1810, Sied 5