Manuel Heredia (Politiker)
Jose Manuel Heredia Jr. (* 29. September 1951 in San Pedro Town) is en Politiker ut Belize (UDP).
Leven
ännernHeredia is 1951 in San Pedro Town op Ambergris Caye boren.[1][2] He is toeerst in San Pedro Town na School gahn un denn op dat St. John’s College in Belize-Stadt wesselt.[2] Na de School keem he na San Pedro Town trügg un weer dor Fischer.[2] He weer twölv Johr lang Präsident von de Caribbean Fishing Cooperative un Maat von dat Kuratorium von de Hol Chan Marine Reserve.[2]
Heredia is verheiraadt mit siene Fro Carmelita.[2] De beiden hebbt dree Kinner.[2]
Politik
ännernHeredia weer lange Johren Raadsherr in’n Stadtraad von San Pedro Town un von 1994 bet 1997 Börgermeester von de Stadt.[2]
Bi de Parlamentswahl in Belize 1998 weer he Kannedaat von de UDP in’n Wahlkreis Belize-Land Süüd un hett 42,49 % von de Stimmen haalt. Dormit kunn he sik nich gegen Anna Patricia Arceo von de People’s United Party dörsetten. Bi de Wahl 2003 weer he aver in’n sülven Wahlkreis wedder Kannedaat un hett Arceo mit 51,42 % von de Stimmen slahn. Ok de Wahlen 2008 (61,51 % gegen Murlene Spain, PUP), 2012 (49,71 % gegen Patty Arceo, PUP) un 2015 (57,44 % gegen Jose Eulogio Arceo, PUP) kunn he all winnen.
Heredia is dormit siet 2003 Afornten in dat Repräsentantenhuus von Belize. He is an’n 8. Februar 2008 ünner Premierminister Dean Barrow Minister för Tourismus un Zivile Luftfohrt worrn (Kabinett Barrow I, II un III). Von März 2009 af an weer he tosätzlich Minister för Kultur, nadem Marcel Cardona sien Kabinettsposten afgeven müss.[3]
Footnoten
ännern- ↑ Belize Public Service Staff List 2014
- ↑ a b c d e f g Interview with the Hon. Jose Manuel Heredia Jr. Minister of Tourism, IGM Investments
- ↑ Aaron Humes: PM Barrow announces Cabinet reshuffle, Amandala an’n 4. Juni 2010
1984–1986: Derek Aikman | 1986–1989: Eduardo Juan | 1989–1993: Glenn Godfrey | 1993–1998: Henry Young | 1998–2004: Mark Espat | 2004–2008: Godfrey Smith | 2008–: Manuel Heredia