Wapen/Flagg Koort
hett keen Wapen
San Pedro Town
Laag vun San Pedro Town in Belize
Basisdaten
Distrikt: Belize
Flach: 71 km²
Inwahners: 11.884 (2010-00-002010)
Inwahnerdicht: 167,4 Inwahners pro km²
Geograafsche Laag:
Koordinaten:17° 55′ N, 87° 58′ W
17° 55′ N, 87° 58′ W

Karte

San Pedro Town oder kort San Pedro is en Lüttstadt (Town) op dat Eiland Ambergris Caye in’n Distrikt Belize von dat Land Belize.

An’n Haven
Hauptstraat von San Pedro Town
Blick op San Pedro Town 1987

Geografie ännern

De Oort liggt in’n Süden von dat Eiland Ambergris Caye, dat de Bucht von Chetumal von de Karibische See afdeelt un dör’n Boca Bacalar Chico von de Xcalak-Halvinsel trennt is. De Boca Bacalar Chico is ok de Grenz na Mexiko. De See in’n Süden von de Stadt is as Hol Chan Marine Reserve schuult un de Noorden von Ambergris Caye as Bacalar-Chico-Natschonaalpark.

De Küst besteiht vör allen in’n Oosten ut Sandstrand, in’n Westen aver to en groten Deel ut Mangrovenholt. Direkt vör de Küst liggt dat Belize Barrier Reef.

De Naveröörd sünd Xcalak in’n Noordoosten, de Eilannen Caye Caulker un Caye Chapel in’n Süüdwesten un Sarteneja op’n fasten Wall in’n Noordwesten.

Historie ännern

De Oort is 1848 grünnt worrn von Lüüd, de vör’n mexikaanschen Kastenkrieg flücht sünd. Dat weer lange Tied en lütt Fischerdörp. Den Status von en Town hett de Oort eerst an’n 27. November 1984 kregen.[1]

Inwahnertall ännern

Johr Inwahners
1980-00-001980[2] 1.125
1991-00-001991[2] 1.849
2000-00-002000[2] 4.499
2010-00-002010[3] 11.884
2018-00-002018[4] 19.477

De Inwahners weren bi’n Zensus 2000 to 77 % Mestizen, to 8 % Kreolen un to 4 % Garifuna. De Rest hett sik op de verscheden annern Volksgruppen von Belize opdeelt.[3]

Börgermeesters ännern

Börgermeesters
Tied Börgermeester Partei
1984–1988 Gilberto Gomez
1988–1991 Pedro Salazar
1991–1993 Baldemar Graniel
1994–1997 Manuel Heredia UDP
1997–2003 Alberto Nuñez PUP
2003–2012 Elsa Paz UDP
2012– Daniel Guerrero UDP

Kultur ännern

Siet 1998 besteiht in San Pedro Town dat Ambergris-Museum.

Een Week vör Aschermiddweken fiert de Oort för dree Daag den Gran Carnaval de San Pedro.

Weertschop un Infrastruktur ännern

De Oort leevt meist kumplett von’n Tourismus, besünners Duuktouristen, de in dat Belize Barrier Reef ünnerwegens sünd.

Haven von San Pedro Town

Verkehr ännern

 
De Flegerhaven

Dat gifft keen Landweg von San Pedro Town weg. De Oort is över’n San Pedro Airport un över Bööd, de in’n Haven anleggen doot, an de Butenwelt anslaten. De Bööd föhrt ünner annern över Sarteneja na Corozal un över Caye Caulker na Belize-Stadt.

Footnoten ännern

  1. San Pedro celebrates 33 years of township, San Pedro Sun an’n 28. November 2017
  2. a b c Zensus 2000 (PDF) von dat Central Statistical Office of Belize
  3. a b Zensus 2010 (PDF) von dat Statistical Institute of Belize
  4. http://citypopulation.de/Belize_d.html

Weblenken ännern

  San Pedro Town. Mehr Biller, Videos oder Audiodateien to’t Thema gifft dat bi Wikimedia Commons.