Marilyn Williams
Marilyn Williams (* in Belize-Stadt) is en Juristin un Politikerin (UDP) ut Belize.
Williams is in Belize-Stadt boren.[1] As se twölv Johr oold weer, sünd ehr Öllern na de USA utwannert.[2] Dor hett se tosätzlich to de Staatsbörgerschop von Belize ok de US-amerikaansche Staatsbörgerschop kregen.[2] Williams hett von 1986 bet 1988 en Bachelor of Applied Science in Psychologie an dat Brooklyn College in New York City (USA) maakt. Tosätzlich hett se twüschen 1988 un 2001 en Bachelor of Laws an de Benjamin N. Cardozo School of Law (höört to de Yeshiva University) in New York City maakt. Eerst na ehr afslaten Studium is se wedder na Belize trügggahn.[2]
As junge Avkatin hett se ünner annern de Belize Association of Conservation Non-Governmental Organizations (BACONGO) vertreden, as de gegen den Bo von’n Chalillo-Staudamm vörgahn is.
Se weer von November 2000 bet 2003 för de Oppositschoonspartei UDP Maat von’n Senaat von Belize. Se is as Nafolgerin von Audrey Matura Senatersche worrn.[3]
Bi de Parlamentswahl in Belize 2003 weer se Kannedatin för de UDP in’n Wahlkreis Albert. Se hett 14,14 % von de Stimmen kregen un kunn sik dormit nich gegen Mark Espat von de PUP dörsetten. Dat weer to de Tied von wegen ehr US-amerikaansche Staatsbörgerschop ümstreden, wat se na de Verfaten von Belize överhaupt wählt warrn dröff.[2] De Verfaten verlangt in Afsnidd 58 de Staatsbörgerschop von Belize un verbeedt, dat Maten von dat Repräsentantenhuus an en annern Staat bunnen sünd. Von wegen dat se de Wahl verloren hett, is de Striedfraag aver nich klärt worrn.
Bet to’n 31. Dezember 2013 weer se Vörsitterin von de Financial Intelligence Unit.[4]
Williams weer von 2016 bet 2017 Vörsitterin von de Integrity Commission.[5] Tosätzlich is se Vörsitterin von’n Opsichtsraad von dat Karl Heusner Memorial Hospital in Belize-Stadt.[5] 2017 is se as Richterin an’n Böversten Gerichtshoff von Belize beropen worrn un hett dat Amt an’n 5. Januar 2018 offiziell övernahmen.[6][5]
Ehren
ännernTo Neejohr 2018 is Williams Member of the Order of the British Empire worrn.[7]
Footnoten
ännern- ↑ New U.D.P. candidate chosen for Albert, Channel 5 Belize an’n 4. November 2002
- ↑ a b c d Williams has U.S. passport, denies implications, Channel 5 Belize an’n 26. Februar 2003
- ↑ UDP presents new senator, Channel 5 Belize an’n 7. November 2000
- ↑ New FIU Director appointed, Amandala an’n 10. Januar 2014
- ↑ a b c Is there conflict of interest with the two posts held my Marilyn Williams?, Love FM an’n 22. März 2018
- ↑ Marilyn Williams appointed as Supreme Court judge, Amandala an’n 13. Dezember 2017
- ↑ New Year Honours Conferred to Eight Belizeans, pressoffice.gov.bz an’n 1. Oktober 2018