Meteorit vun Gnarrenborg
| Land | Düütschland  |
|---|---|
| liggt in de Verwaltenseenheit | Sandbossel |
| geograafsch Koordinaten | 53°24′0″N 9°6′0″O |
| Tied | 13. Mai 1855 |
De Meteorit vun Gnarrenborg is en Meteorit, den an’n 13. Mai 1855 bi dat Dörp Gnarrenborg in’t Düvelsmoor vun’n Heven daalkamen is. De fief Steen, de funnen worrn sünd, bröchen 7250 g op de Waag, de gröttste 2750 g. Se sünd Chondriten vun de Klass H3/L3 ut dat Mineral Olivin. De Iesenandeel is 24,76 Perzent. De grote Meteorit liggt hüüt in’t Mineralogsche Institut an de Universität Göttingen, twee Stück in’t Bargwarksmuseum in Clausthal-Zellerfeld, de Rest liggt wohrschienlich in Britische Naturgeschichtliche Museum in London.[1]
De Meteorit is in dat Moor twüschen Klenkendörp un Augustendorp dalkamen. Vondaag liggt dor de Oort Heinrichsdörp, de aver eerst in dat 20. Johrhunnert grünnt worrn is. Nöömt is de Meteorit na Gnarrenborg, ofschoonst de Oort üm un bi söss Kilometer wied weg is. Dat weer aver de nächste gröttere Oort. Deelwies warrt de Meteorit ok Meteorit von Bremervöör oder Meteorit von Stood nöömt. Dat liggt dor an, dat dat Rebeed 1855 to dat Amt Bremervöör un de Landdrostie Stood höört hett.