Michele Mitchell

Michele Anne Mitchell (* 10. Januar 1962 in Phoenix, Arizona) is en ehmalge US-amerikaansch Waterspringerin. Se hett an twee Olympisch Sömmerspelen deelnommen un dorbi twee Sülvermedaillen wunnen.

Loopbahn

Michele Mitchell hett an de University of Arizona studeert un kreeg dor 2007 hör Doktertitel (Ph.D.) in Uptrecken und Psychologie. Se nehm an de Olympisch Sömmerspelen 1984 in Los Angeles deel. In den Wettbewarf van’n Sprungtoorn kunn Mitchell achter de Chinesin Zhou Jihong de Sülvermedaille vör Wendy Wyland halen. 1987 wunn se bi de Panamerikaansch Spelen in Indianapolis de Goldmedaille van den Teihn-Meter-Toorn. In Seoul, bi de Olympisch Sömmerspelen 1988, wunn se bi den Wettewarf van den Sprungtoon weer de Sülvermedaille, ditmal achter de Chinesin Xu Yanmei.

1995 wurr se in de International Swimming Hall of Fame upnommen.

Weblinks

• Michele Mitchell in de International Swimming Hall of Fame (engelsch)
• Michele Mitchell in de Datenbank van Sportsreference.com (engelsch)