Middelsassische Spraak

Middelnedderdüütsch, Middelsassisch
Snackt in	Vörmols rund um de Oostsee to, Norden vun Düütschland
Sprecher	Is keen lebennige Sprake mehr
Klassifikatschoon	Indoeuropääsche Spraken Germaansche Spraken Westgermaansche Spraken Nedderdüütsche Spraken Middelsassisch
Offitschell Status
Amtsspraak in	keen Amtsspraak
Spraakkoods
ISO 639-3	gml

Middelsassisch na de Egennamen Sassesch in de Tied oder Middelnedderdüütsch as later Naam uut Spraakwetenschop, heet dat Plattdüütsche so as dat in’n hogen Middelöller un in de froe Neetied, also ook to Hansetieden, snackt worrn is.

Historie

Dat Sassische is toeerst in dat 9. Johrhunnert as Schriftspraak bruukt worrn. Dat weer de ooltsassische Phaas. Denn geev dat bet in’t 13. Johrhunnert kuum schreven Text op Sassisch. De eerste gröttere middelsassische Text weer de Sassenspegel vun Eyke vun Repgow, de so bi 1225 schreven worrn is. Middelsassisch keem nu in wieden Gebruuk as Schriftspraak. De Hanse hett vun dat late 13. Johrhunnert af an bet in dat 16. Johrhunnert all ehr Geschäften op Middelsassisch utmaakt. In all Länner rund üm Noord- un Oostsee weer de Spraak in’n Hannel Lingua franca. De Spraken in Skandinavien un in’t Baltikum hebbt in disse Tiet en ganzen Hümpel Wöör ut dat Sassische övernahmen. Bi 50 % vun all Wöör in de skandinaavschen Spraken stammt ut dat Middelsassische. Mit dat 16. un 17. Johrhunnert güng dat mit de Hanse gau bargdal. As Schriftspraak dee sik nu dat Hoochdüütsche dörsetten. Dat Sassische is denn eerst wedder in dat 19. Johrhunnert Schriftspraak worrn un is nu Plattdüütsch heten worrn.

Later

Dat Middelsassische hett 2007 den ISO-639-Kood gml tokennt kregen.

Kiek ok bi

en List vun middelnedderdüütsche Vörnaams mit Angaven vun Oort un Johr in de List vun plattdüütsche Vörnaams

Literatur

Wöörböker

Agathe Lasch: Mittelniederdeutsche Grammatik. 1914
Agathe Lasch un Conrad Borchling: Mittelniederdeutsches Handwörterbuch. siet 1928, noch nich trech
Karl Schiller un August Lübben: Mittelniederdeutsches Wörterbuch. 1875-1881 (online)
August Lübben: Mittelniederdeutsches Handwörterbuch. 1888

Texte

Agathe Lasch (Rutgeversche): Aus Alten Niederdeutschen Stadtbüchern, Ein mittelniederdeutsches Lesebuch, Niemünster, 1987²
Sebastian Brant, Dat Narren Schypp, Nadruck vun dat Exemplar ut de Kungliga Biblioteket, Stockholm etcpp, Bremen, 1979 ISBN 3-7961-1711-2
Johannes Stricker, De Düdesche Schlömer, Lübeck, 1584 in: Heinrich Schmidt-Barrien, Werkausgabe Band 10, Chöttingen, 1984 ISBN 3 88694 511 1

Plattdüütsche Spraakperioden

Ooldsassisch | Middelsassisch | Neenedderdüütsch (Plattdüütsch)