Moho River
De Moho River (spaansch Río Moho) is en üm un bi 112 Kilometer langen Stroom in Guatemala un Belize, de in de Bucht von Amatique münnt. De Stroom hett en Afströömrebeed von 1188,5 km².
| Moho River | |
|---|---|
| Laag | Guatemala, Belize |
| Stroomsystem | Moho River |
| Läng | 112 km |
| Afströömrebeed | 1.189 km² |
| Born | bi Pusilá Arriba |
| Münn | in de Bucht von Amatique |
| linke Blangenströöm | Poite River, Aguacate Creek, Blue Creek, Amado Creek |
 | |
De Stroom hett sien Born in’n Noorden von Pusilá Arriba in dat Municipio San Luis, Departamento Petén, Guatemala, an’n Süüdwestrand von de Maya-Bargen. He warrt hier Río Pusilá nöömt. Von dor flütt he toeerst na Süden an Pusilá Arriba, Setul un Pusilá Abajo vörbi un maakt in’n Oosten von Chacte denn en groten Bagen, in den he na Noordoosten dreiht. Bi San Benito Poite löppt he över de Grenz von Guatemala na Belize un nimmt von links den Poite River op. Dor warrt he denn Moho River oder Río Moho nöömt. Twüschen Aguacate un Santa Teresa nimmt he von links den Aguacate Creek op un dreiht na Süüdoosten. He flütt denn vörbi an’n Oort Jordan un nimmt von links den Blue Creek op. An dat Över liggt nu de Öörd Santa Ana un Boom Creek. Kort vör de Münn nimmt de Stroom noch von links den Amado Creek op un münnt denn in de Bucht von Amatique, wat en Deel von de Karibische See is.
De Brügg över’n Moho River bi Santa Ana is 1998 boot worrn.
Weblenken
ännern
Koordinaten:16° 4′ N, 88° 51′ W