Mojenhörn
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21720 | |
| Vörwahl: | 04142 | |
| Geograafsche Laag: | Koordinaten:53° 35′ N, 9° 37′ O53° 35′ N, 9° 37′ O | |
|
| ||
Mojenhörn (hoochdüütsch Mojenhörn) is en Oortsdeel von de Gemeen Greundiek (Samtgemeen Lüh) in’n Landkreis Stood, Neddersassen.
Fröher is Mojenhörn as egen Oort rekent worrn, warrt vondaag aver as Stratentog von Greundiek ankeken.
Geografie
ännernMojenhörn liggt as Stratendörp in de Masch an’n Diek langs de Elv in de Eerste Miel von Oolland. In’n Noordwesten vör Mojenhörn in de Elv liggt Lühsand.
De Öörd ümto sünd Heteln un Lülanden op dat annere Över von de Elv in’n Noordoosten, Elvdiek un Lüh in’n Süüdoosten, Greundiek in’n Süden, Huttfleet in’n Süüdwesten un Wetterndörp, de Sietwenn un Sandhörn in’n Noordwesten.
Historie
ännernVerwaltungsgeschicht
ännernDe Oort hett vör 1852 to de Hauptmannschop Twielenfleet von dat Grevengericht Oolland tohöört un denn von 1852 bet 1885 to dat Amt Jörk. Na 1885 weer dat in’n Kreis Jörk, de 1932 Deel von’n Kreis Stood worrn is.
De Oort hett fröher bi de Gemeen Twielenfleet bihöört. Eerst in de twete Hälft von dat 19. Johrhunnert is Greundiek en egenstännige Gemeen worrn, bi de denn ok Mojenhörn mit bihöört hett.
Inwahnertall
ännern| Johr | Inwahners |
|---|---|
| 1791[1] | 14 Füürsteden |
| 1. Dezember 1871[2] | 232 Lüüd, 34 Hüüs |
| 1. Dezember 1885[3] | 251 Lüüd, 44 Hüüs |
Religion
ännernMojenhörn is evangeelsch-luthersch präägt un höört to dat Kaspel von de Marienkark in Greundiek.
För de Kathoolschen is de Hillig-Geist-Kark in Stood tostännig.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 157
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 139
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 148