Sandhörn
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21720 | |
| Vörwahl: | 04142 | |
| Geograafsche Laag: | Koordinaten:53° 35′ N, 9° 35′ O53° 35′ N, 9° 35′ O | |
|
| ||
Sandhörn (hoochdüütsch Sandhörn) is en lütten Oort in de Gemeen Greundiek (Samtgemeen Lüh) in’n Landkreis Stood, Neddersassen.
Sandhörn billt mit Sietwenn en Exklaav von de Gemeen Greundiek. Dat Rebeed liggt twüschen de Gemenen Hullern-Twielenfleet un Steenkark.
Geografie
ännernDe Oort liggt in de eerste Miel von Oolland in de Masch von de Ünnerelv. Vör Sandhörn in de Elv liggt de Lühsand.
De Naveröörd sünd Greundiek mit Mojenhörn un Steenkark mit Wetterndörp un Huttfleet in’n Süüdoosten, Sietwenn in’n Süden, Bachenbrook in’n Süüdwesten, Hullern mit Sövenhöben in’n Westen un Twielenfleet in’n Noordwesten.
Historie
ännernBi Sandhörn leeg ok de Oort Halstenfleet, de bi en Störmflood in de Elv ünnergahn is.
Verwaltungsgeschicht
ännernDe Oort hett vör 1852 to de Hauptmannschop Twielenfleet von dat Grevengericht Oolland tohöört un denn von 1852 bet 1885 to dat Amt Jörk. Na 1885 weer dat in’n Kreis Jörk, de 1932 Deel von’n Kreis Stood worrn is.
De Oort hett fröher bi de Gemeen Twielenfleet bihöört. Eerst in de twete Hälft von dat 19. Johrhunnert is Greundiek en egenstännige Gemeen worrn, bi de denn ok Sandhörn mit bihöört hett.
Inwahnertall
ännern| Johr | Inwahners |
|---|---|
| 1791[1] | 11 Füürsteden |
| 1. Dezember 1871[2] | 156 Lüüd, 22 Hüüs |
| 1. Dezember 1885[3] | 127 Lüüd, 22 Hüüs |
| 1. Dezember 1905[4] | 84 Lüüd, 16 Hüüs |
Religion
ännernSandhörn is evangeelsch-luthersch präägt un höört to dat Kaspel von de Marienkark in Greundiek.
För de Kathoolschen is de Hillig-Geist-Kark in Stood tostännig.
Weertschop un Infrastruktur
ännernFör Sandhörn is de freewillige Füürwehr Greundiek mit tostännig.
Verkehr
ännernNich wied weg von Sandhörn löppt de Landsstraat 140 langs, de in’n Noordwesten över Hullern na Stood geiht un in’n Süüdoosten över Greundiek, Steenkark un Mittelskark na Jörk un op’n Hambörger Süden to.
De nächste Autobahn is de Autobahn 26 (Afsnidd Stood–Hamborg). De Opfohrt 3 Stood-Oost liggt so negen Kilometer in’n Süüdwesten von Sandhörn an de L 111 un de Opfohrt 4 Dullern negen Kilometer in’n Süden an de L 125.
De nächste Bahnhoff is so bi negen Kilometer wied weg in’n Westen de Bahnhoff Stood an de Nedderelvbahn von Cuxhoben na Hamborg.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 199
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 139
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 148
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 92