Monkey Tail

De Monkey Tail (ok Monkey Tail Branch) is en üm un bi 41 Kilometer langen Stroom in’n Distrikt Cayo von dat Land Belize, de in’n Raspaculo münnt.

De Stroom hett sien Born an de Grenz von de Distrikte Cayo un Toledo (Waterscheed to’n Trio Branch, Mare’s Nest Branch un Río Chiquibul). Von dor flütt he na Noordwesten. In de Neegd von de Forschungsstatschoon Las Cuevas dreiht de Stroom na Noordoosten. De Monkey Tail münnt in’n Raspaculo. Dat Water flütt denn wieder över Macal River un Belize River na de Karibische See.

Dat gifft keen Öörd an’n Stroom, he löppt kumplett dör’n Oorwoold. Dat Rebeed is as Chiquibul-Natschonaalpark un Chiquibul Forest Reserve schuult. De Statschoon Las Cuevas is veer Kilometer von’n Stroom af, de nächste richtige Oort över 20 Kilometer.