Neso (ok as Neptun XIII betekent) is de butenste Maand vun den Planet Neptun.

Opdecken ännern

De Maand is vun en Grupp vun Forschers üm Matthew J. Holman opdeckt worrn. Blangen em sülvst weern wietere dörteihn Lüüd doran bedeeligt. Grundlaag för’t Opdecken weern Opnahmen, de twüschen den 14. August 2002 un den 30. September 2003 maakt worrn sünd. An’n 30. September 2003 is dat den bekannt geven worrn.

Mit vörlöpigen Naam weer de Maand as S/2002 N 4 betekent. In’n Januar 2007 hett he den sien offiziellen Naam kregen. Nöömt is he na Neso, een vun de Nereiden ut de greekschen Mythologie

Ümloop ännern

Neso bewegt op en Ümloopbahn wiet weg vun’n Neptun mit en middleren Afstand vun 48.837.000 km. De Bahn vun den Maand is mit 0,495 düchtig exzentrisch, wiekt also bannig vun en Kreisbahnbahn af. Un ok de Bahnnegen is mit 132,585° ungewöhnlich groot Üm Neptun eenmol to ümkreisen bruukt Neso 25 Johren un 241 Daag. Dormit is dat de Maand mit de gröttsten Ümlooptiet in’t hele Sünnsystem.

Physikaalsche Egenschoppen ännern

Neso hett en middleren Dörmeter vun ruchweg 60 km un sien Dicht warrt op 1,5 g/cm³ afschätzt. Dorut lett sik sluten, dat de Mannd to’n gröttsten Deel ut Ies besteiht. De Böverflach is enigermaten düster mit en Albedo vun blots 0,16. Dat heet, dat 16 % vun dat instrahlte Sünnlicht wedder reflekteert warrt.