Thalassa (ok Neptun IV) is de tweetbinnerste Maand vun den Planet Neptun.

Thalassa op en Opnahm vun Voyager 2

Opdecken un Naam ännern

Thalassa is in’n September 1989 vun Richard John Terrile op Foto-Opnahmen vun de Ruumsond Voyager 2 opdeckt worrn. Bekannt geven weer dat an’n 29. September 1989. De Maand hett dormols sien vörlöpige Beteken S/1989 N 5 kregen. An’n 16. September 1991 is de Maand vun de Internatschonalen Astronoomschen Union (IAU) na Thalassa, en Seegöddin ut de greekschen Mythologie, de Dochter vun Aither un Hemera, nöömt worrn. „Thalassa“ is butendem dat greeksche Woort för „de See“. In de Antike gell Thalassa as Personifezeren vun de Middellannsche See.

Ümloop un Rotatschoon ännern

Thalassa kreist op en meist perfekt kreisrunne Ümloopbahn in en middleren Afstand vun 50.075 km üm den Middelpunkt vun’n Neptun, also ruchweg 25.300 km över de Wulkenböverflach vun den Planet. De Exzentrizität vun de Bahn liggt bi 0,0002. Gegen den Äquater is Thalassa üm 0,209° neegt.

De Bahn vun’n binnersten Maand Naiad is man blots 1.840 km wiet vun den Orbit vun Thalassa weg, de nächste Maand Despina in en Afstand vun 2.450 km. De all leegt midden in de beiden binnersten Neptunringen, den Galle-Ring (1989 N3R) un den LeVerrier-Ring (1989 N2R).

För en Ümloop üm Neptun bruukt Thalasaa ruchweg 7 Stünnen, 28 Minuuten un 32 Sekunnen. Dat is gauer as de Rotatschoon vun’n Neptun, so dat de Maand vun’n Neptun ut sehn in’n Westen opgeiht un in’n Oosten ünner.

De Bahn vun Thalassa liggt binnen den kritischen Afstand, de as Roche-Grenz betekent warrt. De Maans kummt op sien Bahn jümmer neger an’n Neptun mit de Tiet un is dorbi starke Tiedenkräft utsett, de inst den Maand tweirieten warrt. Wohrschienlich billt sik ut de Överresten denn en ne’en Ring oder se stört in de Gasschichten vun Neptun, wenn se nich vörher vergleihn doot.

Physikaalsche Eegenschoppen ännern

De Form vun Thalassa es unregelmatig. De Maand is düster und hett en Grött vun 104 × 100 × 52 km. Vun all bekannten Neptun-Maanden is he dromit de söövtgröttste. De Temperatur an de Böverflach warrt op −222 °C (~51 K) schätzt. Dat gifft keen Anteken dorför, dat de Maand na sien Entstahn geoloogsche Vörgäng utsett weer. Wohrschinelich is, dat Thalassa to de so nöömten Rubble Piles höört, de sik rööd ut Fragmenten vun en ehmoligen Maand tosamensett.

Utforschen ännern

Vun Thalassa sünd bit hüüt blots wenige versmeerte Biller maakt worrn, vunwegen dat de Maand vörher noch nich bekannt weer. Dorna sünd vun de Eer ut Beobachten vun’t Neptunsystem maakt worrn, as to’n Bispeel dör dat Hubble-Weltruumteleskop. 2002/2003 is dat System vun de Keck-Steernwacht mit en adaptive Optik ünnersöcht worrn.

Weblenken ännern

  Thalassa. Mehr Biller, Videos oder Audiodateien to’t Thema gifft dat bi Wikimedia Commons.