Nettelbarg
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21423 | |
| Vörwahl: | 04179 | |
| Geograafsche Laag: | Koordinaten:53° 23′ N, 10° 15′ O53° 23′ N, 10° 15′ O | |
|
| ||
Nettelbarg (hoochdüütsch Nettelberg) is en lütten Oort in de Gemeen Winsen in’n Landkreis Horborg, Neddersassen. De Oort höört polietsch al von öllers bi Tönnhusen mit bi. De Hüüs an de Drager Straat höört bi de Oortschop Lassrönn bi.
Geografie
ännernDe Oort liggt in de Binnenmasch von Ilmenau un Elv. An Nettelbarg vörbi löppt de Ilmenaukanaal. Fröher leeg de Oort en poor hunnert Meter af von de Ilmenau. Eerst as in de Johren 1886 bet 1890 de Ilmenaukanaal anleggt worrn is, hebbt se den Kanaal direkt an Nettelbarg langs boot. De Slüsengraven münnt bi Nettelbarg in’n Ilmenaukanaal. An de Münn von’n Slüsengraven liggt en Schöppwark. In’n Westen liggt dat Naturschuulrebeed Ilmenau-Luh-Daal.
De Naveröörd sünd Draag in’n Noordoosten, Tönnhusen in’n Oosten, Sangenstää in’n Süüdoosten, Bossel in’n Süden, Winsen in’n Süüdwesten un Lassrönn in’n Noordwesten.
Historie
ännernVerwaltungsgeschicht
ännernIn de Franzosentied von 1810 bet 1814 hett de Oort to de Mairie Winsen in’n Kanton Winsen höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to dat Amt Winsen tohöört. Na 1885 weer dat in’n Kreis Winsen. 1932 is dat Deel von’n Kreis Horborg worrn.
De Oort is an’n 1. Juli 1972 as Deel von de Gemeen Tönnhusen mit de Gemeenreform in Neddersassen an de Gemeen Winsen kamen.
Inwahnertall
ännern| Johr | Inwahners |
|---|---|
| 1793[1] | 1 Füürsteed |
| 1824[2] | 1 Füürsteed |
| 1848[3] | 16 Lüüd, 1 Huus |
| 1. Dezember 1871[4] | 8 Lüüd, 1 Huus |
| 1. Dezember 1885[5] | 5 Lüüd, 1 Huus |
| 1. Dezember 1905[6] | 8 Lüüd, 1 Huus |
Religion
ännernNettelbarg is evangeelsch-luthersch präägt un höört to dat Kaspel von de Marien-Kark in Winsen.
För de Kathoolschen is de Goden-Hirt-Kark in Winsen tostännig.
Weertschop un Infrastruktur
ännernIn’n Süüdoosten von Nettelbarg leeg fröher en lütten Haven an’n Ilmenaukanaal. Disse Haven weer bet 1995 in Bedriev.
Verkehr
ännernDör Nettelbarg löppt de Landsstraat 217, de in’n Noordoosten na Draag, Drennhusen, Elvstörp, Stoov un Swinn geiht un in’n Süüdwesten na Winsen. In’n Oosten geiht de Kreisstraat 2 na Tönnhusen, Hunnen un O’rshusen un denn na de Bundsstraat 404 to.
De nächste Autobahn is de Autobahn 39 (Afsnidd Hamborg–Lümborg). De Opfohrt 4 Winsen-Oost liggt so fiev Kilometer in’n Süüdwesten von Nettelbarg an de K 84.
De nächste Bahnhoff is so bi fiev Kilometer wied weg in’n Süüdwesten de Bahnhoff Winsen an de Bahnlien Hamborg–Hannover. Von 1912 bet 1966 harr Nettelbarg ok en egen Bahnhoff an de Bahnlien Winsen–Meschacht.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 161
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 428
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 104
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 135
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 142
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 186