Draag (Landkreis Horborg)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21423 | |
| Vörwahl: | 04177 | |
| Geograafsche Laag: | Koordinaten:53° 25′ N, 10° 16′ O53° 25′ N, 10° 16′ O | |
|
| ||
Dat Dörp Draag (hoochdüütsch Drage) is de Hauptoort von de Gemeen Draag (Samtgemeen Elvmasch) in’n Landkreis Horborg, Neddersassen.
Bi Draag höört ok de Oortsdeel Uhlenbusch mit to.
Geografie
ännernDe Oort liggt in de Masch von de Elv. Dat Water ut dat Rebeed flütt na Süden af na’n Ilau-Sneegraven.
De Naveröörd sünd Olengamm in’n Noorden, Drennhusen un Elvstörp in’n Noordoosten, Krüms in’n Oosten, Hunnen in’n Süüdoosten, Tönnhusen in’n Süden, Uhlenbusch un Lassrönn in’n Süüdwesten un Achterdiek un Groov in’n Westen.
Historie
ännernDraag kummt 1278 toeerst in de Oorkunnen vör.
In’n Eersten Weltkrieg sünd 20 Soldaten ut Draag fullen oder vermisst un in’n Tweten Weltkrieg 32.[1][2]
Verwaltungsgeschicht
ännernIn de Franzosentied hett de Oort toeerst 1810 bet 1811 binnen dat Königriek Westfalen to de Mairie Draag in’n Kanton Addelborg höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Övermeschacht in’n Kanton Bewick.
De Oort hett vör 1885 to de Amtsvaagdie Masch in dat Amt Winsen tohöört. Na 1885 weer dat in’n Kreis Winsen. 1932 is dat Deel von’n Kreis Horborg worrn.
De Oort weer fröher en egenstännige Gemeen, de sik an’n 1. Juli 1972 mit de Gemeenreform in Neddersassen mit de Gemenen Drennhusen, Elvstörp, Hunnen, Swinn un Stoov to de ne’e Gemeen Draag tohoopslaten hett.
Inwahnertall
ännern| Johr | Inwahners |
|---|---|
| 1791[3] | 62 Füürsteden |
| 1824[4] | 74 Füürsteden |
| 1848[5] | 550 Lüüd, 71 Hüüs |
| 1. Dezember 1871[6] | 508 Lüüd, 77 Hüüs |
| 1. Dezember 1885[7] | 518 Lüüd, 83 Hüüs |
| 1. Dezember 1905[8] | 523 Lüüd, 96 Hüüs |
| 1. Dezember 1910[9] | 554 |
| 1925[10] | 536 |
| 1933[10] | 496 |
| 1939[10] | 503 |
Religion
ännernDraag is evangeelsch-luthersch präägt un höört to dat Kaspel von de Marien-Kark in Drennhusen.
För de Kathoolschen is de Goden-Hirt-Kark in Winsen tostännig.
Kultur
ännernEn Denkmaal un Gedenktafeln för de Fullenen ut de twee Weltkrieg’ staht in Drennhusen vör un in de Kark.
Brüük
ännernIn Draag warrt elk Johr Faslam fiert.
Weertschop un Infrastruktur
ännernDraag hett en egene freewillige Füürwehr.
Verkehr
ännernDör Draag löppt de Landsstraat 217, de in’n Oosten över Drennhusen, Elvstörp, Stoov, Swinn un Rönn (dor anbunnen an de Bundsstraat 404) na Meschacht geiht un in’n Süüdwesten na Winsen. En lüttjere Straat gifft dat ans noch in’n Süüdoosten na Hunnen.
De nächste Autobahn is de Autobahn 39 (Afsnidd Hamborg–Lümborg). De Opfohrt 4 Winsen-Oost liggt so teihn Kilometer in’n Süden von Draag an de K 84. Dat Enn von de Autobahn 25 (Afsnidd Hamborg–Geesthacht) an de B 404 liggt ölven Kilometer in’n Noordoosten.
De nächste Bahnhoff is so bi negen Kilometer wied weg in’n Süüdwesten de Bahnhoff Winsen an de Bahnlien Hamborg–Hannover.
Scholen
ännernDe Kinner ut Draag gaht na’n Standoort Drennhusen von de Grundschool Draag.
Footnoten
ännern- ↑ Onlineprojekt Gefallenendenkmäler
- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 59
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 144
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 104
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 132
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 138
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 184
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
Gemeen Draag: Draag (mit Uhlenbusch), Drennhusen, Elvstörp, Mower, Fohrenholt, Hunnen, Swinn (mit Krüms) un Stoov
Gemeen Meschacht: Eekholt, Neddermeschacht, Övermeschacht, O’rshusen un Rönn
Gemeen Tesp: Abendörp, Bütel un Tesp