Hunnen (Landkreis Horborg)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21423 | |
| Vörwahl: | 04179 | |
| Geograafsche Laag: | Koordinaten:53° 22′ N, 10° 18′ O53° 22′ N, 10° 18′ O | |
|
| ||
Hunnen (hoochdüütsch Hunden) is en Dörp in de Gemeen Draag (Samtgemeen Elvmasch) in’n Landkreis Horborg, Neddersassen.
Geografie
ännernDe Oort liggt in de Masch von de Ilmenau üm un bi fiev Kilometer af von de Elv. Dat Dörp is nich wied weg von’n Ilmenaukanaal.
De Naveröörd sünd Krüms un Eekholt in’n Noordoosten, O’rshusen, Handörp in’n Süüdoosten, Fohrenholt un Mower in’n Süden, Sangenstää un Bossel in’n Süüdwesten, Tönnhusen in’n Westen un Draag un Drennhusen in’n Noordwesten.
Historie
ännern
In’n Eersten Weltkrieg sünd söven Soldaten ut Hunnen fullen oder vermisst.[1]
Verwaltungsgeschicht
ännernIn de Franzosentied hett de Oort toeerst 1810 bet 1811 binnen dat Königriek Westfalen to de Mairie Hunnen in’n Kanton Addelborg höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Övermeschacht in’n Kanton Bewick.
De Oort hett vör 1885 to de Amtsvaagdie Masch in dat Amt Winsen tohöört. Na 1885 weer dat in’n Kreis Winsen. 1932 is dat Deel von’n Kreis Horborg worrn.
Hunnen hett in dat 19. Johrhunnert tohoop mit Mower een Gemeen billt, is denn aver en egenstännige Gemeen worrn. Dat is so bleven bet 1928/1929, as Mower un Fohrenholt an de Gemeen Hunnen kamen sünd. Mit de Gemeenreform in Neddersassen an’n 1. Juli 1972 is de Gemeen Hunnen Deel von de Gemeen Draag worrn.
Inwahnertall
ännern| Johr | Inwahners |
|---|---|
| 1791[2] | 21 Füürsteden |
| 1824[3] | 21 Füürsteden |
| 1848[4] | 190 Lüüd, 24 Hüüs |
| 1. Dezember 1871[5] | 197 Lüüd, 25 Hüüs |
| 1. Dezember 1885[6] | 189 Lüüd, 23 Hüüs |
| 1. Dezember 1905[7] | 220 Lüüd, 32 Hüüs |
| 1. Dezember 1910[8] | 237 |
| 1925[9] | 237 |
| 1933[9] | 442 |
| 1939[9] | 420 |
Religion
ännernHunnen is evangeelsch-luthersch präägt un höört to dat Kaspel von de Marien-Kark in Handörp.
För de Kathoolschen is de Goden-Hirt-Kark in Winsen tostännig.
Kultur
ännernIn Hunnen steiht en Denkmaal för de Fullenen ut de twee Weltkrieg’.
Weertschop un Infrastruktur
ännernHunnen hett en egene freewillige Füürwehr.
Verkehr
ännernDör Hunnen löppt de Kreisstraat 2, de in’n Westen na Tönnhusen un an de Landsstraat 217 ran geiht un in’n Oosten na O’rshusen un na de Bundsstraat 404. De L 217 föhrt in’n Süüdwesten na Winsen. De B 404 löppt in’n Noorden över de Elv un na Geesthacht un in’n Süden na de Autobahn 39 (Afsnidd Hamborg–Lümborg). Dat is ok de nächste Autobahn. De Opfohrt 4 Winsen-Oost liggt so negen Kilometer in’n Süüdwesten von Hunnen an de K 84.
De nächste Bahnhoff is so bi acht Kilometer wied weg in’n Süüdwesten de Bahnhoff Winsen an de Bahnlien Hamborg–Hannover. Op de Bahnlien Winsen–Neddermeschacht hett dat von 1912 bet 1966 Personenverkehr geven. De Bahnhoff Mower weer in düsse Tied een Kilometer in’n Süüdwesten.
Scholen
ännernDe Kinner gaht na de Hunner Grundschool Binnenmasch.
Footnoten
ännern- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 119
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 310
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 104
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 132
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 140
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 184
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
Weblenken
ännern
Hunnen (Landkreis Horborg). Mehr Biller, Videos oder Audiodateien to’t Thema gifft dat bi Wikimedia Commons.
Gemeen Draag: Draag (mit Uhlenbusch), Drennhusen, Elvstörp, Mower, Fohrenholt, Hunnen, Swinn (mit Krüms) un Stoov
Gemeen Meschacht: Eekholt, Neddermeschacht, Övermeschacht, O’rshusen un Rönn
Gemeen Tesp: Abendörp, Bütel un Tesp