Ooldwiedendaal
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21149 | |
| Vörwahl: | 040 | |
| Geograafsche Laag: | Koordinaten:53° 28′ N, 9° 53′ O53° 28′ N, 9° 53′ O | |
|
| ||
Ooldwiedendaal (hoochdüütsch Altwiedenthal) is en Oort in’n Stadtdeel Huusbrook, Bezirk Horborg, in de Stadt Hamborg.
Geografie ännern
De Oort liggt dicht bi’n Schanzenbarg an’n Noordrand von de Horbörger Bargen hen na dat Randmoor von de Maschen von dat Hambörger Oolland.
De Naveröörd sünd Neewiedendaal in’n Noorden, Huusbrook un Bosselbeek in’n Noordoosten, Heimfeld, Eißendörp un Ehstörp in’n Süüdoosten, Alvsen in’n Süden un Falkenborg, Neegraven un Fischbeek in’n Westen un Noordwesten.
Historie ännern
Ooldwiedendaal weer in de eerste Tied blots en enkelten Hoff. Later sünd dor mehr Hööv tokamen, aver noch bet to Anfang dat 20. Johrhunnert weren dat blots en poor enkelte Hööv. In dat 20. Johrhunnert sünd denn aver en Barg Hüüs boot worrn.
Neewiedendaal is in dat 17. Johrhunnert as Utbo von Ooldwiedendaal ut anleggt worrn.
Verwaltungsgeschicht ännern
In de Franzosentied von 1810 bet 1814 hett de Oort to de Mairie Moorborg in’n Kanton Horborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Vaagdie Höpen in dat Amt Horborg tohöört. Blots in de Tied von 1852 bet 1859 hett de Oort kort to dat Amt Hittfeld höört. Na 1885 weer dat in’n Kreis Horborg un na 1932 von’n neen, grötteren Kreis Horborg.
Mit dat Groot-Hamborg-Gesett is Ooldwiedendaal 1937 Deel von de Stadt Hamborg worrn.
De Oort hett jümmer to de Gemeen Neegraven tohöört. Eerst later is Huusbrook egenstännigen Hambörger Stadtdeel worrn. Sietdem höört de Oort to dissen Stadtdeel.
Inwahnertall ännern
| Johr | Inwahners |
|---|---|
| 1793[1] | 1 Füürsteed |
| 1824[2] | 3 Füürsteden |
| 1848[3] | 33 Lüüd, 5 Hüüs |
| 1. Dezember 1871[4] | 2 Lüüd, 2 Hüüs |
Religion ännern
Ooldwiedendaal is evangeelsch-luthersch präägt un höört siet 1959 to de Gemeen von de Thomas-Kark in Huusbrook. Ganz fröher weer de Oort jümmer in dat Kaspel von de Kark in Sinsdörp. 1903 is Ooldwiedendaal denn aver tohoop mit Neewiedendaal un Huusbrook in dat Kaspel von de Nicolai-Kark in Ilsdörp wesselt. Von 1911 bet 1959 weer dat Deel von de Karkengemeen von de Michaelis-Kark in Neegraven.
För de Kathoolschen is de Hillig-Krüüz-Kark in Neegraven tostännig.
Kultur ännern
Verenen ännern
De Schütten ut Ooldwiedendaal weren toeerst mit in’n Schüttenvereen Neegraven organiseert. 1898 hebbt de Lüüd ut Ooldwiedendaal, Neewiedendaal un Huusbrook aver den Schüttenvereen Huusbrook nee grünnt.
Weertschop un Infrastruktur ännern
Verkehr ännern
An Ooldwiedendaal langs löppt de Bundsstraat 73, de in’n Noordwesten över Neegraven, Fischbeek un Vosshusen na Buxthu un Stood geiht un in’n Oosten na Horborg. In’n Süden geiht de Ehstörper Heuweg na Ehstörp un warrt dor in Neddersassen to de Kreisstraat 20.
De nächste Autobahn is de Autobahn 7. De Opfohrt 32 Heimfeld liggt so dree Kilometer in’n Oosten von Ooldwiedendaal.
De nächste Bahnhoff is so bi söven Kilometer wied weg in’n Süüdoosten de Bahnhoff Horborg. De Bahnhoff Neewiedendaal von de S-Bahn Hamborg (Lien S 3/S 31; an de Nedderelvbahn) liggt direkt an’n Noordrand von Ooldwiedendaal.
Literatur ännern
- Hans F. Cords: Hausbrucher Geschichten, Altwiedenthal, Neuwiedenthal, Dubben., Lühmandruck, Verlag der „Harburger Anzeigen und Nachrichten“, Hamborg 1985
Footnoten ännern
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 250: https://books.google.de/books?id=jN5QAAAAcAAJ&pg=PA250
- ↑ C. H. Jansen: Statistisches Handbuch des Königreichs Hannover. 1824, Sied 664: http://books.google.de/books?id=tG0AAAAAcAAJ&pg=PA664
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 130: https://books.google.de/books?id=qTZDAQAAMAAJ&pg=RA2-PA130