De Orioniden sünd een vun de fief aktivsten Meteorströöm. Se sünd jeed Johr in’n Oktober as en Swarm vun Steernsnuppen to sehn.

En Orioniden-Steernsnupp vun’n Oktober 2007 (rechte Bildmitt, Foto mit Fischogenoptik).

An’n aktivsten sünd de Orioniden twüschen den 19. und 23. Oktober. Man to sehn is de Swarm wat länger, neemlich vun’n 2. Okotber bit to’n 7. November. Mit dat fre’e Oog kann man buten vun grote Städer in’n Dörsnitt ruch teihn Steernsnuppen sehn in de Stünn. De ZHR liggt bi 25. De Beteken kummt vun dat Steernbild Orion, vunwegen dat de Radiant vun den Swarm in dat Rebeet vun’n Orion liggt – dicht bi’n Kopp, ruchweg 10° nöördlich vun’n ro’en Resensteern Beteigeuze.

De Orioniden sünd ok al mit Radarmethoden nauer ünnersöcht worrn. Dat hett sik wiets, dat se lose Wulken vun lütte Parikels sünd, de vun’n Halleyschen Komeet in’n Verloop vun de Johrdusenden op sien Kometenbahn verloren worrn sünd. Vun den glieken Komeet kamt ok de Eta-Aquariiden, de in de eersten Maihälft to sehn sünd. Man de sünd denn vun en annere Steed vun den Kometen sien Bahn.

Literatur ännern

  • Cuno Hoffmeister: Meteorströme. Joh. Ambr. Barth Verlag, Leipzig (1948)
  • Fritz Heide: Kleine Meteoritenkunde. Verständliche Wissenschaft Band 23, Springer-Verlag, Berlin 1957