P. P. Arnold
P. P. Arnold (Pat Arnold, boren as Patrica Ann Cole; * 1946 in Los Angeles, Kalifornien) is en US-amerikaansche Soul-Singersche, de vun de 1960er Johren an besünners in Grootbritannien Spood harr.
Leven
ännernDe Öllern vun Arnold weren Gospel-Singers. Se heiraad fröh un harr twee Kinner. Bet to Anfang vun de 1960er Johren harr se in lütte Jobs arbeid. Doch denn keem Maxine Smith, de fröhere Frünndin vun ehr Broder, to ehr un fraag, wat se Lust harr, tosamen mit ehr un Gloria Scott en Vörsingen to maken. Smith schull mit dree Deerns kamen, vörtosingen, dat se den Platz vun de Ikettes övernehmt, de bi de Ike un Tina Turner Revue optreden.
Se weer en poor Johren bi de Revue dorbi, bet se 1966 na England keem. Se treden mit de Rolling Stones op. Arnold ehr Gesang harr dat Mick Jagger andoon, so dat he sik insett, dat se en Verdrag bi Immediate Records kreeg. Arnold höör bi de Turner Revue op un füng en Solo-Karrier an.
Se harr denn grote Hits, so as Angel of the Morning un The First Cut Is The Deepest. Doch Immediate Records güng dat Geld ut un se wessel na Polydor Records, wo se mit Barry Gibb twee Singles möök. To en plaant Album keem dat nich mehr. 1970 möök se dat Musical Catch My Soul. Se arbeid mit Eric Clapton tosamen un dreep dorbi Fuzzy Samuels, den se later heiraden dei un en drütt Kind kreeg. In de Merr vun de 1970er Johren änner sik de Musikszeen jümmer mehr, so dat Arnold sik dor nich mehr in wohl föhl. Se un ehr Mann güngen na Los Angeles. Doch de Eh güng twee un ehr Dochter bleev bi en Unfall mit’n Auto dood. Pat Arnold teh sik trüch un arbeid eerst 1978 wedder mit Barry Gibb tohoop.
1981 güng se na Hollywood, wo se lütte Rullen in Feernsehserien as to’n Bispeel St Elsewhere un Knot’s Landing speel. Se güng denn 1982 wedder na England, ehren Söhn dor groottotehn. Se füng denn an mit de britische Reggaeband Steel Pulse to arbeiden un keem mit „Respect Yourself“ in de Hitlist.
1984 speel se in dat Musical Starlight Express mit. Later möök se noch vele lüttere Projekten mit verschedene Musikers.
Weblenken
ännern- Websteed vun de Singersche (engelsch)