Paul Johner
Paul F. Johner (* 10. September 1887 in Zürich; † 25. Oktober 1938 in Berlin) weer en Swiezer Schachmeester.
He weer de öllere Bröer vun Hans Johner un as de ok, ebenfalls Musiker (Vigelien). Paul Johner wunn de Swiezer Meesterschap insgesamt sössmal (1907 (deelt), 1908 (deelt), 1925, 1928 (deelt), 1930 un 1932 (deelt).
Bi de Inoffizielle Schacholympiade 1936 in München is he för de Swiez an dat tweet Brett antreeden (+4 –7 =6).[1]
Dorneben hett he an mehreren Turnieren deelnommen, is aber faken in dat achtere Middelfeld lannd. He hett allerdings de Nordisch Meesterschapen 1916 in Kopenhagen wunnen, deel sück mit Walter John den 1. Platz 1917 in Berlin un hett dat B-Turnier in Göteborg 1920 wunnen.
Sien gröttste Eenzelerfolg bleev aber de best Eenzelwertung (gemeensam mit Rudolf Spielmann) 1923 in Scheveningen, wo ok eerstmals nah dat Scheveninger System sspeelt wurr. Johner bleev dorbi ahn Verlustpartie un Speler as Richard Réti, Géza Maróczy, Jacques Mieses, Edgar Colle, Fred Dewhirst Yates un de jung Max Euwe harrn bedüüdend weniger Punkte.
In dat glieker Johr gelung hüm in Triest en wiedere Sieg vör Esteban Canal, Fred Dewhirst Yates, Siegbert Tarrasch, Stefano Rosselli, Lajos Asztalos un annern. Sien letzt Turnier hett he 1930 bestreeden.
Sien hööchste historsch Elo-Tall weer 2637, de he in’n Juni 1925 recken dee. 1921 stunn he mit en Tall vun 2616 up Platz 10 vun de Weltranglist. [2]
Weblinks ännern
Enkeld Nahwiesen ännern
- ↑ http://www.olimpbase.org/1936x/1936sui.html De Swiezer Mannschap bi de inoffiziellen Schacholympiade 1936 in München up olimpbase.org (engelsch)]
- ↑ Indrag bi chessmetrics