Géza Maróczy

Géza Maróczy [[ˈɡeːzɒ ˈmɒroːtsi]] (* 3. März 1870 in Szeged; † 29. Mai[1] 1951 in Budapest) weer en ungarsch Schachgrootmeester.

Géza Maróczy, um 1906

LevenBearbeiten

Géza Maróczy speel tonächst Feernschach. 1893/94 wunn he gemeensam mit Rudolf Charousek dat stark besett eerst ungarsch Feernturnier.

Maróczy sien eerst groot Erfolg weer de tweete Platz achter Emanuel Lasker, aber vör Harry Nelson Pillsbury, Siegbert Tarrasch, Dawid Janowski, Wilhelm Steinitz un annern in dat Meesterturnier Nürnbarg 1896. Bi dat düppelrundige Turnier 1899 in London (7. Kongress vun den Engelschen Schachbund) deel he sück mit Janowski un Pillsbury den 2. Platz achter Lasker, bleev aber vör Carl Schlechter, Joseph Henry Blackburne, Michail Tschigorin, Jackson Whipps Showalter un annern. In dat glieker Johr wunn he ok dat Kolisch-Turnier in Wien.

Anfang vun dat 20. Johrhunnert gull he as ernsthafter Anwärter up den Weltmeestertitel, en Wettkamp gegen Lasker keem aber ut finanziellen Grünnen nich tostannnen.

Dart wurr he bi dat Meesterturnier vun den Düütschen Schachbund (12. DSB-Kongress) 1900 in München, dat Harry Nelson Pillsbury un Carl Schlechter wunnen.[2]In dat glieker Johr wurr he bi dat Turnier to’n Anlaat vun de Weltutstellung in Paris mit Frank James Marshall Dart achter Lasker un Pillsbury, vör Amos Burn un Georg Marco. Dornah wunn he de Turniere in Monte Carlo 1902 (vör Pillsbury un Janowski) un 1904 (vör Schlechter), Ostende 1905 (vör Janowski, Tarrasch, Schlechter), Barmen 1905 (deelt mit Janowski, vör Marshall, Ossip Bernstein, Schlechter) un Wien 1908 (deelt mit Oldřich Duras un Schlechter). Dornah hett he sück vun dat Turnierschach temelk torüchtrucken un hett en Stäe as Reknungsprüfer in de Verwaltung annommen.

Wegen de politischen Ereegnisse nah den Eersten Weltkrieg verlor Maróczy sien Anstellung un muss Ungarn verlaaten. 1921 speel he en Wettkamp gegen den lateren Weltmeester Max Euwe, de sien Trainer he wurr; dat Duell gung unentscheeden ut. Ut de Not herut muss he nu ok weer Schach spelen. 1923 wunn he dat Turnier in Karlsbad (tosommen mit Alexander Aljechin un Efim Bogoljubow vör Ernst Grünfeld un Richard Ret) un to’n Johreswessel 1923/24 Platz 2 in Hastings (achter Euwe). Een Johr later in Hastings wunn he aber vör Fred Dewhirst Yates un Dawid Przepiórka. Aber de richtig goot Turnierergevnisse wurrn nu so nah un nah weniger. Bi den 23. Kongress vun den Engelschen Schachbund 1930 keem he noch mal up den 2. Platz (achter Edgard Colle, aber vör Akiba Rubinstein, Carl Ahues, Mir Sultan Khan un annern. Sien letzt Turniersieg reck he 1932 in Budapest, as he vör Esteban Canal un Endre Steiner lannen dee. Sien letzt Turnier speel he 1947 in Baarn, wo he in de Grupp A, aber blots up den letzten Platz keem.

SchacholympiadenBearbeiten

Maróczy hett an dree Schacholympiaden deelnommen: (1927, 1930 und 1933[3]) as ok bi de inoffizielle Schacholympiade vun München 1936 weer he an Brett 1 vun de ungarsch Mannschap (ok wenn dat 1927 un 1930 noch kien fast Brettfolg vörschreeven weer, speel ok dor all Partien an Brett 1),[4] un he wunn mit disse Mannschap de Schacholympiade 1927 un de inoffizielle Schacholympiade 1936.

SonstigesBearbeiten

1950 hörr he to de eersten vun de Weltschachorganisatschoon FIDE nömmt Grootmeestern.[5]

He weer ok schachliterarisch tätig, ünner annern hett he 1909 en Biographie över Paul Morphy schreeven. Buterdem hett he Vera Menchik traineert, de 1927 de eerste Fruenweltmeesterin wurr.

As beünner stark gull he in de Verteidigung un in dat Endspeel, speziell in‘n Damenendspeel. In de Flinke Draakenvariante is en Anspeelupbau, den he 1905 bekannt maakt hett, nah hüm nöömt: 1. e2–e4 c7–c5 2. Sg1–f3 Sb8–c6 3. d2–d4 c5xd4 4. Sf3xd4 g7–g6 5. c2–c4 (Maróczy-Upbau).

Sien best historsch Elo-Tall weer 2820, de he 1906 recken dee. Insgesamt leeg he in 30 ünnerscheedlich Maanden tüüschen 1904 un 1907 up Platz 1 vun de Weltranglist.

LiteraturBearbeiten

  • Maróczy's hundert Schachpartien. Kagan, Berlin 1921. Nahdruck: Olms, Zürich 1984. ISBN 978-3-283-00173-5.
  • Walter Árpád Földeák: Géza Maróczy, Leben und Lehren. Verlag de Gruyter, Berlin 1971.

WeblinksBearbeiten

  Géza Maróczy. Mehr Biller, Videos oder Audiodateien to’t Thema gifft dat bi Wikimedia Commons.

Enkeld NahwiesenBearbeiten

  1. Kurt Richter: Erinnerungen an Géza Maróczy, Deutsche Schachzeitung, Heft 10, Juli 1951, S. 231 gifft den 28. Mai 1951 an. Jeremy Gaiges Chess Personalia gifft dorgegen up S. 270 den 29. Mai 1951 an.
  2. Das Internationale Turnier München 1900 (12. DSB-Kongress) up TeleSchach (Krüüztabell un sämtliche Partien)
  3. Géza Maróczy sien Ergevnisse bi Schacholympiaden up olimpbase.org (engelsch)
  4. Géza Maróczy sien Ergebnisse bi inoffiziellen Schacholympiaden up olimpbase.org (engelsch)
  5. Willy Iclicki: FIDE Golden book 1924-2002. Euroadria, Slovenia, 2002, S. 74.