Peter Seidensticker

Peter Seidensticker (* 2. März 1904 in Brunshusen; † 26. August 1977 in Stood) weer en düütschen Maler un Grafiker un plattdüütschen Schriever.

Seidensticker is 1904 as Söhn von’n Baas von de Glashütt in Brunshusen bi Stood boren. He weer von 1910 bet 1918 op de Volksschool Brunshusen, von 1918 bet 1921 op de Präparandenanstalt in Stood un 1921 bet 1924 op dat Lehrerseminar Stood. Oostern 1924 hett he de eerste Schoolmeesterprüfung maakt. Von 1924 bet 1928 weer he denn Schoolmeester an en Volksschool in Hamborg. Oostern 1927 hett de de twete Schoolmeesterprüfung maakt. Blangenbi hett he von April 1924 bet März 1927 de Landskunstschool in Hamborg besöcht. An’n 1. Oktober 1928 is he Tekenlehrer an dat Athenaeum in Stood worrn un dat bet to’n 30. September 1931 bleven. 1935 güng he as Dozent an de Hoogschool för Lehrerbildung in Hirschberg. Na’n Tweten Weltkrieg keem he na Stood trügg, weer toeerst fre’en Künstler un is 1956 Rekter von de Pestalozzi-School in Stood worrn. 1969 is he in Rohstand gahn.

Warken

Rudolf Riege: Plattdeutsche Sprichwörter. (Vörwoord: Peter Seidensticker) Kallmeyer, Wulfenbüttel [1942]
Krischan. [Band 1]. Eine Sammlung lustiger Döntjes plattdeutsch erzählt. Krause, Stood/Buxthu 1970
Krischan. Band 2. Weitere lustige Döntjes plattdeutsch erzählt. Stood/Buxthu 1971
Krischan. Band 3. Eine Sammlung lustiger Döntjes plattdeutsch erzählt. Krause, Stood/Buxthu 1972
Krischan. Band 4. Wiederum 150 Döntjes plattdeutsch erzählt. Krause, Stood/Buxthu 1974
Wat de Bur seggt. Das niederdeutsche Bauerntum im Spiegel seiner Sprichwörter. Kreisspoorkass, Stood 1976
Krischan. Teil 3. Plattdeutsche Döntjes zwischen Elbe und Weser. (spraken von Friedrich Schütter), Krause, Stood 1979 (LP)
Krischan 4. Heidi Mahler & Jürgen Pooch vertellt. (spraken von Heidi Mahler un Jürgen Pooch), Krause, Stood 1980 (LP)
Tomools in Stood. Hökerbummel. (tohoopstellt von Dieter Ehlers), Stadt-Spoorkass, Stood 1981

Weblenken

Peter Seidensticker in de Datenbank Die niederdeutsche Literatur (hoogdüütsch)