Phylogenetik
De Phylogenetik (retronym Mengelwoort ut ooldgr. φυλή, φῦλον phylé, phylon ‚Stamm, Clan, Aart‘ un γενετικός genetikós ‚Anfang‘) is en Twieg vun de Genetik un Bioinformatik, de sik dormit befaten deit, uttoforschen, wie sik dat mit de Geschicht vun de Evolutschoon verhollen deit un wie Individuen oder Gruppen mank de Organismen to'nanner staht un wie se vun'nanner afstammen doot (Phylogenese).
Wat to de Phylogenetik tohören deit
ännernDe Phylogenetik bruukt hüdigendags Algorithmen, um ruttofinnen, wie de wecken Aarden oder ok enkelte Exemplare vun desülvige Aart mit’nanner verwandt sünd. Dor weert DNA-Sequenzen bi insett, de vördem bi DNA-Sequenzeren rutfunnen wurrn sünd. So kann en phylogeneetschen Boom upstellt weern. Unner annern is de Phylogenetik nödig, wenn en Taxonomie upstellt weern schall. As Algorithmen weert u. a. de Maximale Sünigkeit (engelsch „Parsimony“), Maximale Wohrschienlichkeit (engelsch „Maximum Likelihood“) un Bayes sien Inferenz bruukt, de up de Grundlaag vun MCMC-Verfahren staht.[1] As dat noch keen DNA-Sequenzeren geev un ok noch keen Computers, is de Phylogenetik ut Phänotypen over en Distanzmatrix afleit‘ wurrn (Phenetik),[2] man de Kennteken to’n Unnerscheden weern to’n Deel nich eendüdig, vunwegen datt Phänotypen – ok binnen korte Tied- sik slank ännern könnt un vun allerhand Umstänn afhangt.[3][4]
Kiek ok bi
ännernLiteratur
ännern- David Williams: The Future of Phylogenetic Systematics. Cambridge University Press, 2016, ISBN 978-1-316-68818-2.
- Donald R. Forsdyke: Evolutionary Bioinformatics. Springer, 2016, ISBN 978-3-319-28755-3.
Belege
ännern- ↑ Charles Semple: Phylogenetics. Oxford University Press, 2003, ISBN 0-19-850942-1.
- ↑ A. W. F. Edwards, L. L. Cavalli-Sforza: Reconstruction of evolutionary trees. In: Vernon Hilton Heywood, J. McNeill: Phenetic and Phylogenetic Classification. Systematics Association, 1964, S. 67–76.
- ↑ Masatoshi Nei: Molecular Evolution and Phylogenetics. Oxford University Press, 2000, ISBN 0-19-513585-7, S. 3.
- ↑ E. O. Wiley: Phylogenetics. John Wiley & Sons, 2011, ISBN 978-1-118-01787-6.