Privassion Creek

De Privassion Creek is en üm un bi 27 Kilometer langen Stroom in’n Distrikt Cayo von dat Land Belize, de in’n Rio On münnt.

Privassion Creek
Laag	Cayo, Belize
Stroomsystem	Belize River
Läng	27 km
Afströömrebeed	85 km²
Born	in de Mountain Pine Ridge
Münn	in’n Rio On
linke Blangenströöm	Oak Burn Creek
rechte Blangenströöm	Little Vaqueros Creek
De Big Rock Falls an’n Privassion Creek

Dat Afströömrebeed is üm un bi 85 km² groot.

Verloop

De Born von’n Stroom liggt in de Mountain Pine Ridge von de Maya-Bargen un in de Mountain Pine Ridge Forest Reserve (an de Waterscheed to’n Macal River un Roaring Creek). Von dor löppt de Privassion Creek na Noordwesten un ünner de Chiquibul Road dör. Dree Kilometer von de Chiquibul Road af doot de Waterfäll von de Big Rock Falls liggen. De Privassion Creek nimmt von links den 14 Kilometer langen Oak Burn Creek un von rechts den ölven Kilometer langen Little Vaqueros Creek op. Von dor flütt de Privassion Creek de letzten fiev Kilometer na Süüdwesten un münnt denn in’n Rio On. De Rio On wedder münnt in’n Macal River, de över’n Belize River in de Karibische See flütt.

De Stroom flütt dör unbewahnt Rebeed. De nächsten Öörd sünd de Forststatschoon von May Gate dree Kilometer in’n Noorden, de lüttje Oort Augustine söss Kilometer in’n Süden un dat Dörp San Antonio fiev Kilometer in’n Noordwesten. Direkt an’n Stroom gifft dat aver en Handvull Lodges, ünner annern de Blancaneaux Lodge, de Francis Ford Coppola tohöört. To de Lodge höört ok en privaten Flegerplatz.