Hauptmenü öffnen
Puna.PNG
Utkiek in de Region Puna, Puno, Peru

De Ökoregion Puna (ut Aymara oder Quechua) is en Hööchd-Zone in de Barge vun de Anden in Süüdamerika. Se geiht vun bi 4.000 bit 4.800 m over NN (nah Javier Pulgar Vidal). De sunnerlichen Aarden vun Gras in düsse Gemarken weert ok Puna nömmt.

In Bolivien sien Altiplano un in grode Deele vun Peru, sunnerlich in'n Süden, dorto noch in en Reeg vun lüttjere Deele vun Argentinien sien Norden wasst grotendeels Puna-Planten.

Cono de Arita, Argentinien

Dat Klima is koold un dat Weer sleiht faken um. Neddersläge gifft dat alltohopen nich veel. De Temperatur liggt in't Middel in't Johr bi 0 °C bit -7 °C. Dat Land sien Relief is bannig unnerscheedlich, meist liggt dat in Wellen. In de Puna gifft dat allerhand Meere un Hoochplateaus.

De Minschen leevt sunnerlich vun Weideveeh (Lamas un Alpakas). To de Fauna vun wille Deerter höört in düsse Gemarken u. a. Guanakos un Vicunjas.

In düt Klima könnt Tüffeln noch wassen. Vundeswegen sünd se dor de Hööft-Kulturplant. Fudderhen weert noch Garst (Hordeum vulgare) un de Knullenfrucht Maka (Lepidium meyenii) anboot.

In wiede Regionen vun de Puna domineert dat Punagras Stipa ichu. Annere Grasaarden sünd Festuca orthophylla, Festuca dolichophylla, Calamagrostis-Aarden, un ok Tutura (Scirpus californicus). To de Holtflora höört unner annern Puya raimondii, Polylepis-Aarden, Opuntien (Opuntia floccosa, Opuntia lagopus, Opuntia ignescens), Baccharis-Aarden, Buddleja coriacea un Azorella yareta.

LiteraturÄnnern

  • Pulgar Vidal, Javier: Geografía del Perú - Las Ocho Regiones Naturales del Perú. Edit. Universo S.A., Lima 1979.


  Puna de Atacama. Mehr Biller, Videos oder Audiodateien to’t Thema gifft dat bi Wikimedia Commons.