Quentin Fillon Maillet

Quentin Fillon Maillet (* 16. August 1992 in Champagnole) is en franzöösch Biathlet.

Fillon Maillet (2017 bi den Weltcup in Östersund)

Karriere ännern

Quentin Fillon Maillet nehme erstmalig 2011 Nové Město na Moravě an Biathlon-Junioren-Weltmeesterschapen deel. 2013 wunn he mit de Staffel bi disse Veranstaltung de Sülvermedaille.

In de Saison 2012/13 is he all in den IBU-Cup antreeden. Siet de Saison 2013/14 hörrt he to den Natschonalkader vun Frankriek, in die Saison keem he aber eerst blots in den IBU-Cup to’n Insatz. Eerst in dat darte Rennen in Le Grand Bornand weer he eerstmals in’n Biathlon-Weltcup beropen wurrn. Bi sien eerst Rennen, keem he in’n Sprint up Platz 55, qualifizeer sück för dat Verfolgungsrennen, wo he Platz 37 belegg und glieks Weltcuppunkte halen dee. Sie best Platzeeren in de Saison weer Platz 12 bi en Sprintrennen an‘n Holmenkollen in Oslo. An dat Enn‘ vun de Saison harr he in den Gesamtweltcup immerhen Platz 49.

To’n Uptakt vun de Saison 2014/15 kunn Fillon Maillet as Teihnt vun dat Eenzel in Östersund eerstmals de Top-Ten vun den Weltcup recken. In’n Sprint vun Pokljuka reck he wenig later mit Rang 8 eerstmals en eenstellig Platzeeren un in’n Massenstart vun Ruhpolding reck he in’n Januar sien eerst Podiumsplatzeeren mit Platz 2 in’n Fotofinish achter Simon Schempp aber noch vör Michal Šlesingr, Emil Hegle Svendsen un Ole Einar Bjørndalen. Bi de Biathlon-Weltmeesterschapen 2015 hett he mit de franzöösch Staffel an de Siet vun Simon Fourcade, Jean-Guillaume Béatrix un Martin Fourcade mit Bronze sein eerst WM-Medaille haalt. An dat Enn‘ vun de Saison reck he in den Gesamtweltcup Platz 23.

Recht goot keem he in de Saison 2015/16, as he in Östersund in dat Eenzel un in’n Sprint jewiels up Platz 4 keem, un in de Verfolgung noch mit Rang dree den Podestplatz halen dee. Dat reck an dat Enn’n vun de Saison to Platz 12 in den Gesamtweltcup, Platz 10 in den Verfolgungsweltcup und Platz 2 in den Massenstart-Weltcup. Bi de Biathlon-Weltmeesterschapen 2016 wunn he an de Siet vun Anaïs Bescond, Marie Dorin-Habert un Martin Fourcade de Goldmedaille in dat Mixed-Rennen.

De Saison 2016/17 broch hüm an dat Enn‘ up Platz 20 in den Gesamtweltcup, wobi he tweemal up dat Podest keem. Bi de Biathlon-Weltmeesterschapen 2017 in Hochfilzen in Österriek reck he twee Sülvermedaillen: In de Staffel mit Jean-Guillaume Béatrix, Simon Desthieux un Martin Fourcade un in’n Mixed in de glieker Besetten as dat Johr tovör.

In de Saison 2017/18 keem he in de Gesamtwertung vun den Biathlon-Weltcup up den 10. Platz. Glieks bi dat eerste Rennen, dat Eenzel vun Östersund, keem he all up den 2. Platz. In de Endafreeken keem he in den Eenzel-Weltcup up den 3. Platz. Bi de Olympisch Winterspelen keem he gar nich togang. Platz 48 in’t Eenzel reck för nix. In de Verfolgung geev dat ok blots Platz 44 un in’n Massenstart keem he up Platz 29.

Dorför klapp dat in de Saison 2018/19 umso beter. As best Franzoos keem he in de Gesamtwertung vun den Weltcup up Platz 3 un kunn dorbi sogor tweemal en Rennen winnen. Den Massenstart vun Oberhof hett he vör Johannes Thingnes Bø, Arnd Peiffer un Martin Fourcade wunnen un in de Verfolgung vun Midway leet he Vetle Sjåstad Christiansen un Simon Desthieux achter sück. In den Verfolgungsweltcup belegg he an’t Saisonenn‘ Platz 2. Bi de Biathlon-Weltmeesterschapen 2019 in Oslo gung he mit twee Bronzemedaillen nah Huus, beid in Sprint un Verfolgung.

In de Saison 2019/20 wunn he dat Massenstartrennen vun Pokljuka vör Benedikt Doll un Johannes Thingnes Bø. Bi de denn folgend Weltmeesterschap in Antholz reck he de Sülvermedaille in’n Sprint achter Alexander Wiktorowitsch Loginow un vör Martin Fourcade un in’n Massenstart weer Johannes Thingnes Bø vör hüm, Émilien Jacquelin un Tarjei Bø. Dorto keem denn noch de Goldmedaille mit de Staffel.

Weblinks ännern

Enkeld Nahwiesen ännern