En Regenwoold is en Woold mit sunnerlich fuchtigen Klima mit meist mehr as 2.000 mm Nedderslag in'n Döörsnitt in't Johr. Vunwegen, datt sik dat Klima in Regenwolden bannig verschelen deit, warrt dor en Unnerscheed maakt na de Klimazone, wo de Woold in liggen deit: Dat gifft Tropischen Regenwoold un Matigen Regenwoold in de matigen Breeden.

Tropischen Regenwoold in Amazonien, Brasilien

Tropische Regenwolden ännern

Tropische Regenwolden sünd jummerweg gröön. Se gifft dat up beide Sieten vun den Äquater bit um un bi an den 10. Breedengrad, sunnerlich in Süüdamerika un Ozeanien, man ok in annere Gemarken. De gröötste Landmasse mit tropischen Regenwoold dor up is dat Amazonasbecken. Dor finnt sik mehr as de Hälft vun den tropischen Regenwoold up de ganze Eer. Annere grote Regenwolden gifft dat in dat Kongobecken in Afrika un in Indonesien.

De Begreep tropischen Regenwoold meent en Ökosystem, wo allerhand verschedene Woold-Typen tohören doot: Dat is eenmol de Siedland-Regenwoold bit hen to 800 m Hööchde, denn de Barg-Regenwoold bit hooch to 1.500 m un tolest de Smookwoold bi mehr as 2.000 m Hööchde. Hen un wenn gift dat in de Fackliteratur ok noch annere Naams for de wecken Regionen, as „Wulkenwoold“ for den Ruggen vun de nöördliche Küstenkordillere in Venezuela.

Monsunwolden ännern

In Asien regeert in de Regenwolden dat Monsun-Klima. De Regentieden wesselt sik regelmatig af mit Dröögtieden, un so verscheelt sik dat Weer in so en Woold mehr, as in den tropischen Regenwoold, un over dat Johr hen fallt minner veel Nedderslag.

Regenwolden in matige Breeden ännern

 
Matigen Regenwoold in Tasmanien

Matigen Regenwoold gift dat sunnerlich an de Westküsten vun Noordamerika, in Chile un up Tasmanien un Neeseeland. He warrt vun den tropischen Regenwoold afgrenzt, vunwegen datt he nich in de Tropen, man in de matige Klimazone to finnen is.

Kiek ok bi ännern

Literatur ännern

  • Anton Fischer: Forstliche Vegetationskunde. Blackwell, Berlin, Wien 1995, ISBN 3-8263-3061-7.

Weblenken ännern

  Wiktionary: Regenwald – Bedüdensverklaren, Woortherkamen, Synonymen, Översetten
  Regenwoold. Mehr Biller, Videos oder Audiodateien to’t Thema gifft dat bi Wikimedia Commons.