Rice University

De William Marsh Rice University, kört Rice University is en private US-amerikaansch Universität in Houston, Texas. In Hoochschoolrankings tellt se regelmatig to de best 20 Universitäten vun dat Land.^[1] To Tiet sünd 6.487 Studenten inschreven (Stand Hatvst 2013). De Hoochschool is Liddmaat vun de Association of American Universities, en siet 1900 bestahn Verbund vun führen forschungsintensiv nordamerikaansch Universitäten.

Historie ännern

De Boomwullgrootkoopmann William Marsh Rice hett 1891 dat William Marsh Rice Institute for the Advancement of Literature, Science, and Art grünnd, um sück bi de Stadt Houston dorför erkenntlich to wiesen, dat he dat hier to grooten Riekdom brocht harr. De Grünnensoorkunn seech vör, dat dat Rice Institute eerst nah sien Dood offiziell apen maakt wurrn sull. Aber, nahdem he 1900 ümbrocht wurrn weer un nah en langen Arvstriet nehm dat Institut 1912 mit 77 männlich ud wievlich, aber ahn Utnahm witt Studeerenden den Lehrbedriev up. Eerst Präsident weer Edgar Odell Lovett, en Mathematiker vun de Princeton University. 1960 wurr dat Rice Institute offiziell in William Marsh Rice University umnömmt. Siet 1966 wurrn ok nich-witt Studeerende upnommen.

Forschung ännern

De Rice University bedrifft Spitzenforschung in völ Berieken. So is se eng mit dat Ruumfohrtprogramm vun de USA verbunnen. 1963 wurr dor dat eerste Institut för Weltruumphysik in den Vereenigten Staaten grünnd. De Universität hett de NASA todem en grooten Deel vun dat Geländes stift, up dat hüüd dat Johnson Space Center steiht, vun dat ut all US-amerikaansch Weltruummissionen koordineert wurrn.

Ok in de Grundlagenforschung hörrt de Universität to de Weltbesten. So kreegen hör Perfessers Richard Errett Smalley un Robert Floyd Curl gemeensam mit den britischen Chemiker Harold Walter Kroto 1996 den Nobelpries för Chemie för hör Opdecken vun de Fullerene.

Neben den Natuurwetenschapen spelen ok de Wertschaps- un Sozialwetenschapen en wichtig Rull an de Rice University. 1990 funn an de Universität de Weltwertschapstipp statt. An dat James A. Baker III Institute for Public Policy finnen regelmatig Veranstaltungen mit US-amerikaansch Spitzenpolitikern statt.