Ron Howard
Ronald William Howard (* 1. März 1954 in Duncan, Oklahoma, USA) is en US-amerikaanschen Schauspeler, Speelbaas un Filmproduzent.
Leven un Wark
ännernHoward is de Söhn vun den bekannten Schauspeler Rance Howard, wat de Grund dorför weer, dat he al bannig fröh in’t Filmgewarf rinkamen is. Sien Vadder neemlich het em un sien Broder Clint Howard faken in Kinnerrullen ünnerbröcht. Johrenlang is he dorüm ünner den Naam Ronny Howard föhrt worrn. He is dormit een vun de wenigen Kinnerstars, de ok noch as utwassen Minsch mit Spood bi’n Film arbeiten doot. Sien Intresse anvt Filmemaken hett he al in sien Jöögd opdeckt. Mit sien Vadder un de Fmailie as Schauspelers hett he en poor lüttere Filmen dreiht, de to’n Deel sogro al uttekent worrn sünd.
In de Feernsehreeg Andy Griffith Show hett he – as Ronny Howard – al teemlich fröh mitspeelt. In’t Kino harr he sien eersten Spood 1973 in den Film American Graffiti vun George Lucas. Dorna hett he mehrere Johren in de Sitcom Happy Days mitspeelt. En gröttere Nevenrull speel he 1976 in The Shootist, wat de letzte Film vun John Wayne weer.
En Johr later hett sien Loopbahn as Speelobaas anfungen, as he an den Low-Budget-Film Grand Theft Auto arbeit hett. Eenige Johren hett he dorna as Speelbaas bi Feernsehregen arbeit, bit Anfang vun de 1980er Johren sien Dörbrook in Hollywood keem. Siet de Tiet hett he an vele bekannte Produkschonen mitarbeit. Vundaaggellt he as een vun de groten Hollywood-Speelbasen. De Hööchpunkt vun sien Loopbahn bit hüüt weer 2002 de Utteken mit twee Oscars in de Kategorien Best Speelbaas un Best Film för A Beautiful Mind. 2008 weer he nochmol wedder för den Oscar nomineert, ditmol för den Film Frost/Nixon
In sien Filmen is faken sien Broder Clint Howard in Nevenrullen to sehn. Siet den Film Night Shift 1982 arbeit he jümmers mit de beiden Filmeditoren Mike Hill un Daniel P. Hanley tosamen.
Howard is siet 1975 mit de Schrieversche Cheryl Howard verheiraat, mit de he veer Kinner hett. Sien Dochter Bryce Dallas is ok Schauspelersche bi’n Film worrn.
Filmografie (Utwahl)
ännern| Johr | Titel | Funkschoon | Synchroonsnacker |
|---|---|---|---|
| 1959 | The Journey dt.: Die Reise |
Schauspeler | |
| 1961 | Five Minutes to Live dt.: Noch fünf Minuten zu leben |
Schauspeler | |
| 1962 | The Music Man dt.: Music Man |
Schauspeler | |
| 1960-68 | The Andy Griffith Show, Feernsehreeg | Schauspeler | |
| 1970 | The Wild Country dt.: Rauhes Land |
Schauspeler | |
| 1973 | American Graffiti | Schauspeler | Michael Wuerden |
| 1973 | Happy Mother’s Day, Love George | Schauspeler | |
| 1974 | The Spikes Gang dt.: Vier Vögel am Galgen |
Schauspeler | Michael Nowka |
| 1974 | Locusts, Feernsehn dt.: Der Tag, als die Heuschreckenkamen |
Schauspeler | |
| 1976 | The Shootist dt.: Der Scharfschütze |
Schauspeler | Hans-Georg Panczak |
| 1977 | Grand Theft Auto dt.: Gib Gas… und lasst euch nicht erwischen |
Speelbaas Schauspeler |
|
| 1979 | More American Graffiti dt.: The Party is over… Die Fortsetzung vun American Graffiti |
Schauspeler | Michael Nowka |
| 1982 | Night Shift dt.: Nightshift – Das Leichenhaus flippt völlig aus |
Speelbaas | — |
| 1978-84 | Happy Days, Feernsehreeg | Schauspeler | Frank Schaff |
| 1984 | Splash dt.: Splash – Eine Jungfrau am Haken |
Speelbaas | — |
| 1985 | Cocoon | Speelbaas | — |
| 1988 | Willow | Speelbaas | — |
| 1989 | Parenthood dt.: Eine Wahnsinnsfamilie |
Speelbaas | — |
| 1991 | Backdraft dt.: Backdraft – Männer, die durchs Feuer gehen |
Speelbaas | — |
| 1992 | Far and Away dt.: In einem fernen Land |
Speelbaas Produzent |
— |
| 1994 | The Paper dt.: Schlagzeilen |
Speelbaas | — |
| 1995 | Apollo 13 | Speelbaas | — |
| 1996 | Ransom dt.: Kopfgeld |
Speelbaas | — |
| 1996 | The Chamber dt.: Die Kammer |
Produzent | — |
| 1997 | Inventing the Abbotts dt.: Die Abbotts – Wenn Haß die Liebe tötet |
Produzent | — |
| 1998 | From the Earth to the Moon, Feernsehreeg | Produzent | — |
| 1999 | Student Affairs, Feernsehn | Produzent | — |
| 1999 | EDtv dt.: EDtv – Immer auf Sendung |
Speelbaas Produzent |
— |
| 1999 | Beyond the Mat | Produzent | — |
| 1998-2000 | Sports Night, Feernsehreeg | Produzent | — |
| 2000 | How the Grinch Stole Christmas dt.: Der Grinch |
Speelbaas Produzent |
— |
| 2002 | A Beautiful Mind dt.: A beautiful Mind - Genie und Wahnsinn |
Speelbaas Produzent |
— |
| 1998-2002 | Felicity, Feernsehreeg | Produzent | — |
| 2004 | The Alamo dt.: Alamo – Der Traum, das Schicksal, die Legende |
Produzent | — |
| 2005 | Cinderella Man dt.: Das Comeback |
Speelbaas Produzent |
— |
| 2006 | The Da Vinci Code dt.: The Da Vinci Code – Sakrileg |
Speelbaas Produzent |
— |
| 2008 | Frost/Nixon | Speelbaas Produzent |
— |
| 2008 | Changeling dt.: Der fremde Sohn |
Produzent | — |
| 2009 | Angels & Demons dt.: Illuminati |
Speelbaas Produzent |
— |
| 2011 | The Dilemma dt.: Dickste Freunde |
Speelbaas Produzent |
— |
| 2011 | Cowboys & Aliens | Produzent | — |
| 2013 | Rush dt.: Rush – Alles für den Sieg |
Speelbaas Produzent |
— |
| 2013 | Made in America. Dokumentatschoon | Speelbaas Produzent |
— |
| 2014 | The Good Lie | Produzent | — |
| 2006-15 | Curious George, Feernsehreeg dt.: Coco – Der neugierig Affe |
Produzent | — |
| 2015 | In the Heart of the Sea dt.: Im Herzen der See |
Speelbaas Produzent |
— |
| 2016 | Inferno | Speelbaas Produzent |
— |
| 2017 | The Dark Tower dt.: Der Dunkle Turm |
Produzent | — |
| 2003-18 | Arrested Development, Feernsehreeg | Produzent Stimm |
Thomas Karallus |
Utteken
ännernBit hüüt (Stand Oktober 2010) weer Howard al meist söventig mol för Filmpriesen nomineert. Wunnen hett he 28 dorvun, as to’n Bispeel:
- 1978: den Golden Globe in de Kategorie Best Schauspeler in en Feernsehreeg – Kummedie/Musical för Happy Days
- 1985: den Young Venice Award för Cocoon
- 1986: den Saturn-Award in de Kategorie Best Speelbaas för Cocoon
- 1996: den DGA Award in de Kategorie Rutragen Regieleistung in Speelfilmen för Apollo 13
- 1999: sien Steern op’n Walk of Fame
- 2002: den Oscar in de Kategorie Best Speelbaas för A Beautiful Mind
- 2002: den Oscar in de Kategorie Best Film för A Beautiful Mind
- 2002: den DGA Award in de Kategorie Rutragen Regieleistung in Speelfilmen för A Beautiful Mind
- 2004: den Emmy in de Kategorie Rutragen Kummedie-Reeg för Arrested Development
- 2009: den Milestone Award
- 2008: den Daytime Emmy in de Kategorie Rutragen animeerte Kinnerreeg för Curious George
- 2008: den Sierra Award in de Kategorie Best Speelbaas för Frost/Nixon
Weblenken
ännern- Ron Howard in de Internet Movie Database (engelsch)
- Interview op jump-cut.de