Sierra del Omoa
De Sierra del Omoa is en üm un bi 2000 km² grote Barggrupp von de Sierra del Merendón in de Departamentos Cortés un Santa Bárbara, Honduras. De höögste Barg in de Grupp is de Cerro Jilinco mit 2.242 m över de See.
| Sierra del Omoa | ||
|---|---|---|
 | ||
| höögst Topp: | Cerro Jilinco | |
| Hööchd: | 2.242 m över de See | |
| Land: | Honduras | |
| Laag: | Departamento Cortés | |
| Kuntinent: | Amerika | |
| Rebeed: | 2000 km² | |
| Koordinaten: | Koordinaten:15° 31′ N, 88° 14′ W15° 31′ N, 88° 14′ W | |
| ||
De Bargen reckt von El Chile in’n Noordoosten (bi Bajamar gifft dat mit’n 158 m över de See hogen Cerro Cardona noch en lütten Utlöper) bet na dat Daal von’n Río Culupa mit’n Oort Laguna Verde in’n Süüdwesten. De Süüdgrenz billt de Loop von’n Río Chamelecón. Na Oosten to billt dat groff 20 Kilometer brede Daal von Río Chamalecon un Río Ulúa (dat Sula-Daal) de Grenz na de Cordillera Nombre de Dios un in’n Noordwesten dat groff teihn Kilometer brede Daal von’n Río Motagua na de Sierra del Mico. Na Noorden to liggt de Bahía de Omoa (Bucht von de Karibische See).
En Deel von de Bargen is as Natschonaalpark Cusuco schuult. Wichtigste Stadt in de Region is de Milljonenstadt San Pedro Sula, de direkt an’n Oostrand von de Sierra in dat Sula-Daal liggt. Straten dör de Bargen gifft dat keen. De CA-13, de de Region an dat gröttere Verkehrsnett von Honduras anslütt, löppt in en groten Bagen üm de Sierra del Omoa rüm.
