Cordillera Nombre de Dios
De Cordillera Nombre de Dios (oder ok Sierra Nombre de Dios) is en Bargkeed in Honduras, de in de Departamentos Atlántida, Yoro un Colón liggt. Se warrt ok Sierra de Pija nöömt. Se reckt sik von dat Sula-Daal (dat ehr von de Sierra del Omoa trennt) in’n Westen bet na de Laguna de Guaimoreto bi Jericó un Colonia Aguán in’n Oosten. Dat sünd good 200 Kilometer. Breed is se bet to 35 Kilometer. In’n Noorden liggt de Karibische See un in’n Süden dat Daal von’n Río Aguán (Valle del Aguán), dat ehr von de Cordillera de La Esperanza trennt. Bi de groten Städer Tela un La Ceiba is de Küstenebene an de Karibische See bet to 20 Kilometer breed. In’n Noordoosten, besünners twüschen Río Coco un Santa Fe reckt de Bargen bet direkt an dat Water an fallt dor steil af.
| Cordillera Nombre de Dios | ||
|---|---|---|
 | ||
| höögst Topp: | Montaña de Corozal | |
| Hööchd: | 2.480 m över de See | |
| Land: | Honduras | |
| Laag: | Honduras | |
| Kuntinent: | Amerika | |
| Koordinaten: | Koordinaten:15° 33′ N, 86° 54′ W15° 33′ N, 86° 54′ W | |
| ||
De höögsten Bargen sünd de Montaña de Corozal (2.480 m över de See) un de Pico Bonito (2.435 m över de See). De Siedenarm, de an’n Westrand na Noorden afgeiht, heet Montaña el Tiburón.
Delen von de Bargen sünd schuult as Pico-Bonito-Natschonaalpark un Natschonaalpark Capiro un Calentura.
Weblenken
ännern
Cordillera Nombre de Dios. Mehr Biller, Videos oder Audiodateien to’t Thema gifft dat bi Wikimedia Commons.