Silvia Nieber

düütsche Politikerin

Silvia Nieber (* 7. Juni 1960 in Bremen) is en düütsche Politikerin von de SPD.

Nieber is 1960 in Bremen boren un in de Lümbörger Heid opwussen. Se hett in Hamborg studeert, is Diplom-Betriebswirtin un hett von 1986 bet 1990 bi de IG Bergbau-Chemie-Energie in Riäkelhusen, Köln un Hannover arbeidt. In de SPD is se 1981 ringahn.

1990 bet 2000 weer se Viezbaas von dat Wilhelm-Gefeller-Bildungszentrum in Münner. Von 2000 bet 2011 weer se Börgermeestersche von de Stadt Münner. Aflööst hett ehr Hartmut Büttner. 2011 is se de eerste Fro as Börgermeestersche von de Stadt Stood worrn. Se hett Andreas Rieckhof as Börgermeester aflööst.

Se hett to de 14. Bundsversammlung höört, de an’n 30. Juni 2010 Krischaan Wulff to’n Bundspräsident wählt hett.

Bi de Börgermeesterwahl in de Stadt Stood an’n 26. Mai 2019 hett Nieber 42,0 % von de Stimmen kregen un keem dormit in de Stichwahl gegen CDU-Kannedaat Sönke Hartlef. Bi de Stichwahl an’n 16. Juni 2019 hett se 44,65 % von de Stimmen kregen. Dormit is Hartlef to’n ne’en Börgermeester wählt worrn. He hett dat Amt to’n 14. September 2019 övernahmen.

Nieber is verheiraadt un hett een Söhn.