Southern Christian Union

De Southern Christian Union (SCU) weer en Gewerkschaft in Belize, de 1961 grünnt worrn is un bet 1979 bestahn hett.

De Gewerkschaft hett sik vör allen ut Arbeiders in de Zitrusindustrie in dat Stann Creek Valley (Distrikt Stann Creek) rekruteert. Se is 1961 grünnt worrn, as sik David McKoy un Nicholas Pollard von de General Workers’ Union loosseggt hebbt. Later weer Allan Castillo Vörsitter von de Gewerkschaft.

1975 is Misheck Mawema Vörsitter von de SCU worrn.[1] Nadem Mawema den Vörsitt övernahmen hett, kunn de Gewerkschaft de Tall Maten gau op dat Dreedubbelte vergröttern.[1] Tosätzlich to de Zitrusarbeiders sünd nu ok veel Arbeiders ut de Bananenindustrie in de Distrikte Stann Creek un Toledo in de SCU rin.[1] Mawema hett sik in düsse Tied för de Unafhängigkeit von Belize utspraken un sik dorbi ok gegen den Kapitalismus insett.[1] Dorüm is de SCU ok von’n kapitalistisch orienteerten Internatschonalen Bund von Christliche Gewerkschaften to’n sozialistisch orienteerten Weltgewerkschaftsbund wesselt.[1]

De SCU is in’n August 1979 mit de Belize General Development Workers’ Union to de United General Workers Union (UGWU) tohoogahn.[1]

Footnoten ännern

  1. a b c d e f Laurie Kroshus Medina: Negotiating Economic Development: Identity Formation and Collective Action in Belize. University of Arizona Press, 2004, Sied 79