Spaansch Partie

De Grundstellung vun de Spaansch Partie nah 3. Lf1-b5

De Spaansch Partie (oder Spaansch) is es faken speelt Schachanspeel.

Se fangt an mit de Tüüg:

1. e2-e4 e7-e5

2. Sg1-f3 Sb8-c6

3. Lf1-b5

De Spaansch Partie hörrt to de Apen Spelen und wurrd ünner de ECO-Codes C60–C99 vertekent.

Grundidee

De Grundidee vun 3. Lf1-b5 is, tonächst mit de lütt Rokaad de Entwicklung vun den Königsflögel to’n Enn‘ to bringen un denn entweder mit Lb5xc6 nebst Sf3xe5 den Buern e5 to winnen oder mit d2-d4 dat Zentrum apen to maken. De Daamspringer blifft dorbi tonächst auf b1, so dat Witt ok de Optschoon hett, sien Vörgahn in dat Zentrum mit c2-c3 vortobereiten. Sien e-Buern kann Witt nah de Rokaad wenn dat ween moot mit Tf1-e1 decken. Wurrd de Löper up b5 mit a7-a6 angreepen, treckt he sück meestens nah a4 un bi en wiedere Verfolgung mit b7-b5 nah b3 torüch. He besett dor de wichtig Diagonale a2-g8. Tegenöver de Italiensch Partie hett Witt denn den Vördeel, dat de Löper up b3 weniger exponeert steiht as up c4 un dat Swaart mit a7-a6 un b7-b5 sien Daamenflögel wat swaak makt hett.

Historie

De Naamsgeven vun de Spaansch Partie geiht up den spaansch Preester Ruy López de Segura torüch, de 1561 en detailleert Book över sien Studium vun dit Schachanspeel schreven hett. Nah hüm wurrd de Toogfolg (hööftsächlich) in‘ engelschen Spraakruum Ruy-Lopez-Anspeel nömmt.

Enn‘ vun dat 19. Johrhunnert etableer sück in Meesterschach as an‘ meesten belevt Anspeel nah de Tüüg 1. e2-e4 e7-e5 un uni s dat ok noch hüüd. To de öldst Afspelen tellen de Steinitz-Verteidigung, de Berliner Verteidigung un de Apen Verteidigung. De slooten Verteidigung keem eerst Midden vun dat 20. Jorhunnert up den hüüdigen Popularitätsstand.

Upgrund vun hör lang Historie un hör Prominenz as ok hör strategisch Komplexität hörrt de Spaansch Partie neben de Siziliaansch Verteidigung un dat Daamgambit to de an‘ besten ünnersöcht Anspelen vun dat Schachspeel.

Hööftsysteme

De an‘ fakensten speelt Systeme vun de Spaansch Partie sünd de slooten Verteidigung, de apen Verteidigung, de Berliner Verteidigung un de modern Variante.

Slooten Verteidigung

→ Hööftartikel: Slooten Verteidigung (Spaansch Partie)

De slooten Verteidigung nah 9. h2-h3

De slooten Verteidigung vun de Spaansch Partie fangt an mit de Tüüg

3. ... a7-a6

4. Lb5-a4 Sg8-f6

5. 0-0 Lf8-e7

Swaart makt sück tonutze, dat dat sofortige 6. d2-d4 noch nich den gewünschten Effekt hett, wiel Witt 6. ... e5xd4 nich mit 7. Sf3xd4 wieder maken dröfft, he würrd nämlich nah 7. ... Sc6xd4 8. Dd1xd4 b7-b5 9. La4-b3 c7-c5 nebst c5-c4 glatt en Figur verleern. Dennoch is 6. d2-d4 speelbor, ebenso 6. Dd1-e2. De Hööftfortsetten is aber

6. Tf1-e1

Jetzt droht Witt, mit 7. La4xc6 nebst 8. Sf3xe5 een Buern to winnen. Swaart reageert meest mit

6. ... b7-b5

7. La4-b3 d7-d6

Mögelk is stattdessen ok 7. ... 0-0, mit de Idee, nah 8. c2-c3 mit d7-d5 en Buer to opfern (Marshall-Gambit). Wiel 8. d2-d4 hier immer noch de baben beschreeven Probleme mit sück bringen dee, sett Witt hier mit

8. c2-c3 0-0

fort. Hier würr Witt nah 9. d2-d4 Lc8-g4 kien Mögelkeit hemm, de Zentrumsspannung uprecht to hollen. Ofschons 9. d2-d4 speelbor is, speelt Witt vör den Toog meestens noch

9. h2-h3.

De denn entstahn Stellung wurrd as eegentlich Utgangsstellung vun de slooten Verteidigung ansehn. Swaart hett hier tallriek good speelbor Mögelkeiten, t.B. 9. ... Sc6-a5 10. Lb3-c2 c7-c5, 9. ... Sc6-b8 10. d2-d4 Sb8-d7, 9. ... Sf6-d7 oder 9. ... Lc8-b7 10. d2-d4 Tf8-e8. All disse Systeme wurrn in de Grootmeesterpraxis faken speelt un sünd ingahnd analyseert.

Apen Verteidigung

De apen Variante nah 8. ... Lc8-e6

De Fortsetten

3. ... a7-a6

4. Lb5-a4 Sg8-f6

5. 0-0 Sf6xe4

führt to de Apen Verteidigung, deren wichtigst Stellung nah de wieder Tüüg

6. d2-d4 b7-b5

7. La4-b3 d7-d5

8. d4xe5 Lc8-e6

entsteiht. Hier sünd folgende strategisch Elemente vun Bedüüden:

• Swaart hett en Zentraalspringer up e4, de aber nich duersam hollen wurrn kann, denn Witt kann hüm dör c2-c3, Sb1-d2 und Lb3-c2 to’n Tuusch oder Rücktoog dwingen. Up de anner Siet kann Swaart versöken, de momentan aktiv Stellung vun dissen Springer to taktisch Operatschonen uttonutzen.
• De swaart Daamfflögel is wat unharmonisch. Schwarz much geern de Lücke in sien Buernphalanx dör c7-c5 sluuten; dorto steiht hüm aber sien eegen Springer c6 in‘ Weg.
• De Buer e5 gifft Witt up de een Siet en Buernmehrheit un dormit Angreepsutsichten an‘ Königsflögel, up de anner Siet kann Swaart dissen vörschaven Buern ok angripen oder mit f7-f6 to’n Aftuusch dwingen.

In de 1960er Johren hett man de Apen Verteidigung hööftsächlich mit de Keres-Variante 9. Dd1-e2 bekämpt. Later geev man weer den klassischen Toog 9. c2-c3 den Vörtoog. Siet de 1990er Johren gellt 9. Sb1-d2 as de för Swaart gefährlichst Toog. Dorneben is ok dat Vörgahn mit 9. Lc1-e3 begäng.

Een vun de tallriek kumplex Afspelen is de Dilworth-Angreep, de nah 9. c2-c3 Lf8-c5 10. Sb1-d2 0-0 11. Lb3-c2 Se4xf2 entsteiht.

De Apen Verteidigung wurr Anfang vun dat 20. Johrhunnert vun Siegbert Tarrasch empfohlen. José Raúl Capablanca hull se vör minnerwertig, wiel Witt en Buernmehrheit an den Königsflögel kriggt, de swaart Daamflögelmehrheit aber blockeert wurrn kunn. Dennoch is se bit hüüd in de Grootmesterpraxis antodrapen. Viktor Kortschnoi hett se in sien beid Weltmeesterschapskämpen tegen Anatoli Karpow mehrmals bruukt. Dorbi wurr eerstmals Saizew sien Springeropfer (9. Sb1-d2 Se4-c5 10. c2-c3 d5-d4 11. Sf3-g5) präsenteert. En wiederen Rückslag kreeg de Apen Verteidigung bi de Schachweltmeesterschap 1995, as Garri Kasparow mit de witt Steen tegen Viswanathan Anand en Glanzpartie (mit Saizew sien Springeropfer) wunn.

Berliner Verteidigung

De Berliner Verteidigung wurrd dör den darten swaarten Toog 3. ... Sg8-f6 charakteriseert.

Modern Variante

De modern Variante nah 6. ... Lf8-c5

De modern Variante is siet de 1990er Johren populär wurrn. Se entsteiht nah disse Tüüg:

3. ... a7-a6

4. Lb5-a4 Sg8-f6

5. 0-0 b7-b5

6. La4-b3 Lf8-c5

un is mit de Möller-Variante 3. ... a7-a6 4. Lb5-a4 Sg8-f6 5. 0-0 Lf8-c5 verwandt.

Anner Systeme

Falls Swaart 3. ... a7-a6 speelt, kann Witt, wenn he de Hööftsysteme verhinnern will, mit 4. Lb5xc6 to de Aftuuschvariante griepen. Mit oder ahn 3. ... a7-a6 hett Swaart neben de Hööftsysteme tallriek anner good speelbor Mögelkeiten, um sien Entwicklung vörantodrieven.

Aftuusch-Variante un Ruttrucken Aftuuschvariante

De Aftuusch-Variante entsteiht nah de Toogfolge:

3. ... a7-a6

4. Lb5xc6

Archangelsk-Variante

De Archangelsk-Variante nah 6. ... Lc8-b7

Die Archangelsk-Variante (C78) entsteiht nah de Tüüg:

3. ... a7-a6

4. Lb5-a4 Sg8-f6

5. 0-0 b7-b5

6. La4-b3 Lc8-b7

De Archangelsk-Variante wurr vun sowjeetsch Anspeeltheoretikers in de Stadt Archangelsk utklamüüsert un führt to scharp Positschonen. Witt he eenig Optschonen, dorünner den Upbau vun en ideal Buerzentrum mit c2-c3 un d2-d4, de Verteidigung vun den e-Buern mit Tf1-e1 oder en eenfak, gauere Figurenentwicklung.

Steinitz-Verteidigung

Die Steinitz-Verteidigung nach 3. ... d7-d6

De Steinitz-Verteidigung oder ok Alte Steinitz-Verteidigung vun de Spaansch Partie entsteiht nah de Tüüg:

1. e2-e4 e7-e5

2. Sg1-f3 Sb8-c6

3. Lf1-b5 d7-d6

De Steinitz-Verteidigung wurrd in de ECO-Codes ünner de Slötels C62 un C66 klassifizeert.

De Steinitz-Verteidigung gellt as bannig solide, aber ok as passiv un beengt. Ofschons se vun de Schachweltmeester Wilhelm Steinitz geern speelt wurr un ok vun de Weltmeester un Verteidigungsexperten Emanuel Lasker, Jose Raul Capablanca un Wassili Wassiljewitsch Smyslow speelt wurrn is, wurrd se hüüd blots noch selten anwendt. Witt kann Swaart middels 4. d2-d4 dwingen, dat Zentrum dör e5xd4 uptogeven, wat en signifikantes aber nich fatales Togestahn dorstellt. En Bispeel dorför is de Tarrasch-Falle. Up sofort speelt e5xd4 kann Witt dör 5. Dd1xd4 un up 4. ... Lc8-d7 5. Sb1-c3 Sg8-f6 dör dat Nimzowitsch tospraaken 6. Lb5xc6 Ld7xc6 7. Dd1-d3 e5xd4 8. Sf3xd4 sien lang Rochaad anstreven. De verzögert Variante vun disse Verteidigung (de Moderne Steinitz-Verteidigung) mit dat inschaven 3... a7-a6 4. Lb5-a4 d7-d6 bütt Swaart wat beter Chancen un is populärer. De Ümweg 3. Lf1-b5 Sg8-f6 4. 0-0 d7-d6 över de Berliner Verteidigung verhinnert Varianten mit witt 0-0-0 . Disse Toogfolg wurrd dorüm „Verbetert Steinitz-Verteidigung“ nömmt.

Moderne Steinitz-Verteidigung

De Moderne Steinitz-Verteidigung nah 4. ... d7-d6

De Moderne Steinitz-Verteidigung (ok verzögerte Steinitz-Verteidigung oder Neo-Steinitz-Verteidigung) (C72–C76) entsteiht nah de Tüüg:

3. ... a7-a6

4. Lb5-a4 d7-d6

In’ Gegensatz to de Old Steinitz-Verteidigung schalt Swaart dat Toogpoor 3. ... a7-a6 4. Lb5-a4 in, bevör he 4. ... d7-d6 speelt. De Mögelgkeit vun de Blockaad vun dat Peerd up c6 dör en to Tieden speelt ...b7-b5 gifft Swaart mehr Freeheit as in de Old Steinitz-Verteidigung. Besünner sin de Olt Alten Steinitz-Verteidigung kann Witt Swaart praktisch dwingen, dat Zentrum middels ...exd4 uptogeven, aber in de Moderne Steinitz-Verteidigung kann Swaart dat Zentrum hollen, wenn he will. De meest vun de plausibel Tüüg för Witt sünd hier speelbor, 5. c2-c3, 5. c2-c4, 5. La4xc6+, 5. d2-d4 un 5. 0-0 inslooten.

De besünners scharp Siesta-Variante entsteiht nah 5. c2-c3 f7-f5, wiels en positschonell präägt Speel vun dat ruhigere 5. c2-c3 Lc8-d7 6. d2-d4 utgeiht. Anner scharp Varianten sünd 5. La4xc6+ b7xc6 6. d2-d4 oder 5. 0-0 Lc8-g4 6. h2-h3 h7-h5. De öller Varianten fangt mit 5. c2-c4 oder 5. d2-d4 an un sünd nich so gefährlich för Swaart. Nah 5. d2-d4 moot sück Witt buterdem vör en bekannt Anspeelfall höden, de Arche-Noah-Falle.

Af un to schufft Swaart vör d7-d6 noch de Tüüg 4. ... Sg8-f6 5. 0-0 in, wat vun eenig Schrievers as Russisch Variante betekent wurrd. Dat kann dat för Swaart mögelk maken, eenig Varianten ut de Moderne Steinitz-Verteidigung to ümgahn, in de Witt lang rocheert. Up de anner Siet hinnert de Positschoon vun dat Peerd up f6 Swaart doran, dat Zentrum mit f7-f6 to ünnerstütten. Tschigorin speel de Russische Variante in de 1890er-Johren, un later weer se ok bi Akiba Rubinstein in Gebruuk. De letzte bemarkenswert Gebruuk vun de Russisch Variante weer in de 1950er Johren, as se vun eenig russisch Meesters speelt wurr.

En anner Afwanneln is de Awerbach-Variante.

Jänisch-Gambit

Dat Jänisch-Gambit nah 3. ... f7-f5

Dat Jänisch-Gambit (ECO-Code: C63) entsteiht nah de Tüüg:

1. e2-e4 e7-e5

2. Sg1-f3 Sb8-c6

3. Lf1-b5 f7-f5

Dat Jänisch-Gambit is en bannig scharp Variante, in de Swaart versöcht, de f-Lien för den Angreep apen to maken un dat starkere Buernzentrum hentokriegen. Dorbi oppert he meest een of twee Buern. Ofschons dat Gambit vun völ Schachspeler as temelk twiefelhaft ansehn wurrn, is dat noch nich wedderleggt wurrn un af un to wurrd dat Gamit sogor vun Grootmeesters as Överraschenswappen bruukt. De direkte Annahm vun dat Buernopper 4. e4xf5 antwoort Swaart sofort mit e5-e4. De Fesselung vun dissen Vörstööt dör 5. Dd1-e2 wurrd dör Dd8-e7 uphaben. För dat aktive Fluchtfeld d4 is nu de Aftuusch 6. Lb5xc6 vorgeven.

Dat von Eduard Dyckhoff empfahlen 4. Sb1-c3 is de Hööftvariante. Dat swaart Buernzentrum nah f5xe4 5. Sc3xe4 d7-d5 stött up dat Opper 6. Sf3xe5 d5xe4 7. Se5xc6.

Eng verwandt mit dat Jänisch-Gambit is de Schliemann-Verteidigung (ok Cordel-Gambit nömmt), bi de dat Toogpaar 3. ... Lf8-c5 4. c2-c3 vör 4. ... f7-f5!? Inschaven wurrn. In Wirklichkeit ist disse Variante, de Schliemann in de 1860er-Johren speel, en Gambitvariante vun de Cordel-Verteidigung (ECO-Code C64).

Norweegsch Verteidigung

De Norweegsch Verteidigung nah 5. ... Sc6-a5

De Norweegsch Verteidigung oder Flögelvariante entsteiht nah de Toogfolg:

3. ... a7-a6

4. Lb5-a4 b7-b5

5. La4-b3 Sc6-a5

De Norweegsch Verteidigung is en aggressiv, aber en beeten tietrooven Alternative för Swaart, mit dat Teel, den wittfeldrigen witten Löper to en fröh Tiet aftotuuschen. Mit 6. Lb3xf7+?! un nachfolgendem Sf3xe5+ kann Witt nun en spekulatives Figurenopper för twee Buern bringen, wat den swaarten König de Rockaad zerstört. Aber wenn swaart akkurat wieder speelt, kann he sien Stellung fast maaken un de Mehrfigur behaupten. De Norweegsch Verteidigung is siet den 1880er Johren bekannt un wurr vun Carl Schlechter 1901 weer inführt. In jüngere Tiet wurr se vun norweegsch Meestern faken weer bruukt,

Fianchetto-Variante

Die Fianchetto-Variante nah 3. ... g7-g6

De Fianchetto-Variante, ok Smyslow-Verteidigung in de Spaansch Partie, (ECO-Code: C60, nich to verwesseln mit de Smyslow-Variante) entsteiht nah de Tüüg:

1. e2-e4 e7-e5

2. Sg1-f3 Sb8-c6

3. Lf1-b5 g7-g6

De Fianchetto-Variante is en ruhig, positionelles System, da gelegentlich vun Wassili Smyslow un Boris Spasski speelt wurr. Dat weer in de 1980er Johren bannig anseggt, as wiest wurr, dat nah 4. c2-c3 a7-a6! Swaart good Speel harr. Later hett man aber rutfunnen, dat Witt nah 4. d2-d4 e5xd4 5. Lc1-g5 Vördeel kriggt, so dat de Variante hüüd meest nich mehr speelt wurrd. En interessant Gambit is de Variante 4. d2-d4 e5xd4 5. c2-c3, de vun Alexander Khalifman vörslahn wurr.

Cordel-Verteidigung

Die Cordel-Verteidigung nah 3. ... Lf8-c5

De Cordel-Variante oder ok Klassisch Verteidigung (ECO-Code: C64) fangt mit de Tüüg

1. e2-e4 e7-e5

2. Sg1-f3 Sb8-c6

3. Lf1-b5 Lf8-c5 an.

De Cordel-Variante is mögelkerwies de öldste Verteidigung in de Spaansch Partie un wurrd immer noch speelt. Meestesn antwoort Witt mit 4. c2-c3. An’ starksten is denn 4. ... Sg8-f6. De Schliemann-Verteidigung 4. ... f7-f5, de ok Cordel-Gambit nömmt wurrd, führt dorgegen to en scharp Speel, dat aber vun de Anspeeltheorie as nahdeelig för Swaart ansehn wurrd. De Ümweg 3. Lf1-b5 Sg8-f6 4. 0-0 Lf8-c5 över de Berliner Verteidigung verhinnert Varianten mit 4. c2-c3.

Bird-Verteidigung

→ Hööftartikel: Bird-Verteidigung

Disse Fortsetten wurrd dör de darten swaarten Toog 3. ... Sc6-d4 inleit.

Selten speelt Varianten

Cozio-Variante

De Cozio-Variante (ECO-Code: C60) entsteiht nah de Tüüg:

1. e2-e4 e7-e5

2. Sg1-f3 Sb8-c6

3. Lf1-b5 Sg8-e7

De Cozio-Variante wurrd selten speelt. Hör Ideen sünd so ähnlich as de Fianchetto-Variante. Bent Larsen hett dat faken mit Spood speelt.

Alapin-Variante

De Alapin-Variante, de nah 3. ... Lf8-b4 entsteiht, is nah den russchen Schachmeester Simon Sinowjewitsch Alapin (1856–1923) nömmt. In sien 1896 in St. Petersburg herutgeven Broschüre „Zur Theorie der Spanischen Partie“ hett Alapin ünner annern disse nee Idee ünnersöcht, den Löper up en ehrder nich begäng Feld to entwickeln: En to fesseln Peerd up c3, analog den swaarten up c6, ist nich vörhannen, un de Löper kann buterdem sofort c2-c3 befraagt wurrn, wormit to glieker Tiet ok noch de Zentrumsvörstött d2-d4 vörbereit wurrd. De Hööftgedanke vun Alapin wiest sien Wirkung eerst eenig Tüüg later; nah den starksten Toog 4. c2-c3 folgt

4. ... Lb4-a5

5. 0-0 Sg8-e7, disse Springertoog nah e7 statt nah f6 is en wieder Markmal vun dit Afspeel, en tokünftig Buernvörstött e4-e5 passeer nu ahn Tempogewinn.

6. d2-d4 e5xd4

7. c3xd4 d7-d5 (!, Alapin) nah den Tuusch up d5 nimmt Swaart mit de Daam torüch un hett gliekwertig Speel: Grippt Witt dornah mit Sb1-c3 de Daam an, kann de Swaart mit La5xc3 sien Zentraalstellung behollen.

Alapin sülvst hett „sien“ Variante in tallriek Partien mit ünnerscheedlich Spood anwendt, alleen in dat „Kaiser-Jubiläums-Turnier“ in Wien 1898 in acht vun sien Swaartpartien. Etwa 50 Johr later wurr mit 5. oder 6. Sb1-a3 en ansprööksvullere Methood gegen den swaarten Upbau utprobeert, de hüüd noch as utsichtsriek gellt. Mit nahfolgen Sa3-c4 sall de Druck up dat Zentrum starker maakt un de La5 evtl. aftuuscht wurrn (Vördeel vun dat Löperpaar).

Brentano-Variante

De düütsch Philosoph un Psycholoog Franz Brentano, en Neffe vun de Schrievers Clemens Brentano un Bettina von Arnim, hett den Toog 3. ... g7-g5 vorslahn. Brentano hett dat in’ März un April 1900 in de Wiener Schachzeitung in en tweedeelig Artikelreeg „Neue Vertheidigung der Spanischen Partie“ bekannt maakt, in de he in en umfangriek Analyse de Vörtüüg vun disse nee Idee vörstellen dee. In de Juni-Utgaav 1900 vun de Düütsche Schachzeitung wurrd Brentano sien Afhanneln vun den Schachtheoretiker Johann Nepomuk Berger – en vun de Herutgever – stark kritiseert, indem he all in de eerst Hööftvariante tallriek Swaakheiten upwiest. Eerst dree Johr later hett Brentano den darten un letzten Deel vun sien in Artikel in de Wiener Schachzeitung schreven.

In de in Schachdatenbanken enthollen Meesterpartien um de Johrhunnertwenn find sück blots een Partie van 1904, in de Carl Schlechter – neben Berger dormals de tweete Herutgever vun de Düütsche Schachzeitung – in en Wettkamp gegen Richard Teichmann den Toog vun Brentano anwendt. De Partie gung nah 25 Tüüg mit en Remis to Enn’.

De prinzipielle witt Fortsetten gegen den Fögelangreep besteiht nu in de Zentrumsvörstött 4. d2-d4, womit de Buer g5 en tweet Mal angreepen wurrd. Brentona sleiht nu 4. ... Sc6xd4 vör (nah 4. ... e5xd4 5. Lc1xg5 f7-f6 6. Lg5-f4 steiht Weiß wegen den Entwicklungsvörsprung un de slecht swaart Königsstellung klor beter). Nah 5. Sf3xd4 e5xd4 6. Dd1xd4 Dd8-f6 7. e4-e5 (Teichmann truck hier swaaker Lc1-e3) steiht Witt weer beter.