Spoorkass Horborg-Buxthu
De Spoorkass Horborg-Buxthu is en Spoorkass mit Seet in Horborg. De Bank höört to de Spoorkassen-Finanzgrupp un hett 49 Filialen in de Gemeen Buxthu in’n Oosten von’n Landkreis Stood, in’n Landkreis Horborg un in en Deel von’n Hambörger Bezirk Horborg. De Vörsitter von’n Vörstand is Heinz Lüers, de Vörsitter von’n Verwaltungssraad is Jens-Rainer Ahrens. Dreger von de Anstalt des öffentlichen Rechts is de Landkreis Horborg un de Stadt Buxthu un Rechtsgrundlaag dat Neddersassische Spoorkassengesett.
De BLZ is 207 500 00 un de BIC NOLA DE21 HAM. De Bilanzsumm weer an’n 31. Dezember 2013 3,417 Milliarden Euro, de Inlagen weren 2,476 Milliarden Euro un de Kunnenkredite 2,946 Milliarden Euro. De Bank hett üm un bi 781 Mitarbeiders (Stand 31. Dezember 2013).
De Spoorkass hett Filialen in Äästörp, Bendsdörp, Bookholt (6 Steden), Braackel, Bullenhusen, Buxthu (3 Steden), Eißendörp, Fleest, Handörp, Hanstää, Heendörp, Heidenau, Hittfeld, Holm-Seppens, Horborg (3 Steden), Hullnst, Ilsdörp, Jesborg, Klecken, Luhdörp, Mäkelfeld, Maschen, Mesborg, Meschacht, Neegraven, Ninndörp, Ooldklooster, Ramßel, Solzhusen, Sprötz, Stell, Tesp, Töst, Vosshusen, Winsen (3 Steden) un Wulfsen.
De Filiaal in’n Buxthuer Törfweg schall to’n 1. Februar 2018 dichtmaakt warrn.
Historie
ännernDe hüdige Spoorkass Horborg-Buxthu hett sik an’n 1. Januar 2000 dör de Fusion von de Kreisspoorkass Horborg mit Seet in Horborg un de Stadtspoorkass Buxthu mit Seet in Buxthu billt.
De Stadtspoorkass Buxthu is 1843 grünnt worrn un de Kreisspoorkass Horborg an’n 1. April 1914.
De Spoorkass von’n Geestbezirk Winsen an de Luh hett sik an’n 1. Juli 1862 grünnt un de Spoorkass von de Stadt Winsen an de Luh 1842. Düsse beiden Kassen sünd an’n 1. April 1894 to de Kreisspoorkass Winsen tohoopgahn.
De Spoorkass för dat Amt Mesborg in Töst is an’n 1. Oktober 1858 grünnt worrn. Düsse Bank hett sik later Amtsspoorkass Töst nöömt.
De Spoor-, Lehn- un Vörschuss-Kass för den Bezirk von dat vörmalige Amt Hittfeld is an’n 2. Oktober 1866 grünnt worrn un hett sik later Amtsspoorkass Hittfeld nöömt.
De Amtsspoorkass Oolwarder hett sik an’n 20. Oktober 1910 grünnt.
An’n 1. Januar 1934 hebbt sik de Kreisspoorkass Winsen, de Amtsspoorkassen Töst, Hittfeld un Oolwarder un de ole Kreisspoorkass Horborg to de ne’e Kreisspoorkass Horborg tohoopdaan.
De Filiaal von de Kreisspoorkass Winsen in Stell hett 1896 apenmaakt.
Vörstandsvörsitters
ännern- opstunns: Heinz Lüers
Weblenken
ännern- Websteed von de Spoorkass (hoochdüütsch)